Matyo 2:13 - Kaa n Kəzə̀ n fəghə mə

¹³ Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”

Matyo 2:13 ပူးပေါင်းရင်းမြစ်များ

Matyo 1:20

Nghee tə̀ tə moʼlənə ghəə a tii ghə̀, tsəndəghə ə Kəzə̀ n bə tə̀ wi nə ujim, dza tə̀ wi nə̀, “Yosef, waa Devid, kà tsəŋ dzə ni ney ndòw Maliya tə̀ a loʼ wey wə, kuum nə̀, waa wey tə khənə nə unəghə, tə bɔŋ n daʼa kə Zay kə Zow kə.

Matyo 10:23

Abə ghə chɔdlɔnə ghaa n naʼ i loʼ zə, ghaa n tyi nuu ndòw n naʼ i nuu zə. N kuum dza bə tə̀ ghaa nə̀, ghaa î tsəghə ngəə may way nàʼa tə Izree tən tədzəm, nə̀ Waa weynum ka kam bə.”

Matyo 2:12

Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.

Matyo 2:14

Tə n daŋŋə nuu kɔʼ, ney kɔʼ này waa ghî waa tii, nuu tsu ndòw n naʼ zə Ijip n tsuʼu tə tii tə.

Matyo 2:16

Ambə Helɔd bə keeli kɔʼnə nə̀ ghə̂ a tɔbə ghey n wi lòʼlə naŋa, tə n fəələ nay ndòw unəghə, daŋŋə tsəʼlə tsu kəlaŋ nə̀ ghə wey maʼa waa à num ghən ghə loʼnə nə̀ ghə ka kam kuum num tə̀ təbəghə n naʼ i Betelehem nsə n dəŋə kə tii kə kədzəm tə̀ tə â tɔʼlə shi kɔʼnə n wɔ̂ ghə̂ a tɔbə ghey.

Matyo 2:22

Nghee tə Yosef zow tsunə nə̀ à loʼ Akilɔs waa Helɔd tə kɔʼnə ndaŋ ə Kədə̀ŋ n Judeya, tə n tsəŋ ghaʼ ni ndòw fu. Tə n ndòw tsə̀ghə̀ kɔʼ daŋŋə ndòw n mboʼo Galili, kuumnə tsəndəghə ə Kəzə̀ mâ bə tsə̀ wi nə ujim.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 10:7

Tə tsəndəghə ə Kəzə̀ zey nuulə ndownə sa, Kɔnilus n daŋŋə tɔŋɔ tsu ghə̂ a kəfwaʼ a wi abəghə nsə sawgoʼ u loʼ wə tə â ngii gaʼnə fə̀ŋ n ghəə Kəzə̀, loʼ wù umɔʼ n sawgoʼ tey tə keyyənə wi.

Kəfwaʼ 12:11

Tɔb u Pita wə n daŋŋə fən nyi dzəŋŋə bə, tə n dza nə̀, “Mə n ndzəm keeli nya nə a loʼ isəŋə nə̀ Mûkəbii â tûm bə tsəndəghə ə wi nə̀ tə bə bəghəshi mə n wɔɔ kə Herɔd, tə bəghəshi soʼo mə n wɔ ghəə ghən adzəm ghə̂ Təjuu ghə â bayyə naŋa ni ghəŋə n kow mə.”

Kəfwaʼ 12:7

Tsəndəghə ə Mûkəbii n gbələ bən shi kɔʼ n sə kə Pita, tsə i loʼ zə n bàŋ tsəghə bə fu tii n ndaw tsaʼ. Tsəndəghə zey n noʼlə tsu Pita n mboʼ, zhəm nuu kɔʼ wi, dza tə wi nə̀, “Zaŋŋə nuu kɔʼ!” Sey, tsaʼ tey n daŋŋə tsɔʼi nuu shi tsu n wɔɔ a wi.

Kəfwaʼ 16:36

Wù tii n dza ndow ghəə a tii ghə tə̀ Pɔl dza, “Ghə̂ a saʼa a təsaʼ a tûm bə tûm nə̀ n chi zəghə wɔ ghi Silas. Ghaa ndow kə kədzuŋ.”

Kəfwaʼ 5:19

A n kee bə n tsuʼu tə, tsəndəghə ə Mûkəbii n bə chi tsu fuʼu ndaw u ndaw tsaʼ, ney nuu shi bə ghə, dza tsu tə ghə nə̀,

Kəfwaʼ 7:19

Də̀ŋ kə tii kə n nəbə tsə ghə bày bày a ghey, chɔdlɔ ghə, tənnə ghə nə̀ ghə i sayyə maʼa waa a ghə a buu ghə tə ghə i kuulə.

Chi dii 12:14

Ghə n fuu ndow weyzən wey n ghaw tə nnən fə nii fən ghə tɔŋŋə nə̀ a loʼ boʼo tûm təbəghə, nə̀ tə zəghə nuu ndow n luʼu key ghə bayyə naŋa tə wi n mbvən ə ntsaŋ. À loʼ fuu ghə i laalənə tə wi nə tənum tətəghə nsə bòʼ kə, ni ghəŋə nə̀ kə ngəm zey nə mɔmnə wi.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 12:6

Weyzən wey n tyi nuu ndow n mbvən ə ntsaŋ, n luʼu kə loʼ kə Zə̀ kə â bayyə naŋanə tə wi, nə̀ ghə i laalə tə wi fu nə ntsuʼu kam nsə bɔm mə nbəghə nsə ghəm mə ntuubə (1,260).