Matyo 15:1 - Kaa n Kəzə̀ n fəghə mə

¹ Ghə̂ a tə Falasi a loʼ ghə nsə ghə̂ a dii a kəlaŋ ghə, ghə â nuu bənə n Yerosalem, n bə n səə Yeso, bəb tə̀ wi nə̀,

Matyo 15:1 ပူးပေါင်းရင်းမြစ်များ

Matyo 23:2

“Ghə̂ a dii a kəlaŋ ghə nsə ghə̂ a tə Falasi a loʼ ghə̂ ghey ghə khənə daʼa kə ni tiilə dza ghəə zey i tɔ̀ɔ doʼonə n laŋ u Mushi.

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Malakus 3:22

Ghə̂ a dii a kəlaŋ ghey ghə â nuu bənə n Yerosalem n dza nə̀, “Belzebul loʼ n kow wi, a loʼ də̀ŋ kə zay u bəbə wə kə fuunə wi n daʼa kə ni dzùm shiə zay u bwu wə n kow ghə̂ ghə.”

Lukas 5:17

Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀

Lukas 5:21

Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?”

Lukas 5:30

Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?”

Tùm i dzuŋu zə kuum Yeso Klisto tə Jɔn â tɔɔnə 1:19

Ngəd tə ghə̂ a Təjuu a loʼ ghə n Yerosalem n tûm tsu ghə Fɔɔngili a loʼ ghə nsə ghə̂ ghey ghə fwaʼanə n ndaw Kəzə̀ i nii zə Yerosalem tə̀ Jɔn, nə̀ ghə ndòw bəb tə̀ wi nə̀, “Wə loʼ ndee?”

Kəfwaʼ 23:9

Ndəm kə loʼ kə n daŋŋə nuu shi kɔʼ fu, ghə̂ a dii a kəlaŋ a tə Falasi a loʼ ghə n nuu təmi kɔʼ, dza n dzə̂ i taw zə nə̀, “Ghey ka koʼ dzə ghə i loʼ zə wù wən ghəŋə bəəbənə. À loʼ ni doʼo isəŋə nə zày kə bəbə kə loʼ kə nkee tsəndəghə ə Kəzə̀ u loʼ u mâ ndzəm ghɔɔmə tə wi.”

Kəfwaʼ 25:7

Ambə Pɔl bənə, ngəd tə Təjuu tey tə â nuu tsu bə n Yerosalem n nuu zuŋŋə tsəghə bə n səə wi, boʼo bə faalə tə aghəə n ndəm, kuu ndow n tow kə wi, nə imɔʼ way tii ghə loʼ ni tɔʼ dii nə̀ a loʼ isəŋə.