Matyo 13:44 - Kaa n Kəzə̀ n fəghə mə

⁴⁴ Yeso n dza kpiʼi ndow ghɔɔmə i fənkəfən tə̀ ghə nə̀, “Fɔɔ wə idəŋ u loʼ tə a loʼ fə̂ kə wən i taw kə, kə nyi doʼonə nə usum, wù loʼ â kəŋ koʼ tsu, kəm tsəd nyì naŋa tsu. Tə n daŋŋə nuu tsu nə iduʼlə, ndow kûmmə fìi tsu fəghə n wi n dzəm, ni ndow zuu bəghə zey tii.”

Matyo 13:44 ပူးပေါင်းရင်းမြစ်များ

Matyo 13:24

Yeso n kəm fu kpiʼi ndow ghɔɔmə i fənkəfən zən tə ghə nə̀, “Fɔɔ wə idəŋ u loʼ tə a loʼ wù loʼ tə â zəghə tsu ndzoʼ i dzuŋu zə n sum u wi,

Matyo 13:46

tə u kəŋ koʼ tsu sə̂ i khəm zə imɔʼ nə̀ wən i tii i ngii tawnu, daŋŋə ndow kûmmə fìi tsu fəghə n wi n dzəm, ney zuu kɔʼ sə̂ i khəm i tii zə tii.”

Matyo 13:47

Yeso n dza kpiʼi ndow ghɔɔmə i fənkəfən zən tə̀ ghə nə̀, “Fɔɔ wə idəŋ u kəm loʼ kpiʼi soʼo tə a loʼ uwûu, ghə̂ a kwɔɔ a tətsəghə ghə â maʼa nyi tsu ndow nə inyi, kwu kɔʼ lii tə tətsəghə tey tə nyinə tii nə uwuu tədzəm.

Matyo 19:21

Yeso n dza ndòw tə̀ wi nə̀, abə wə̀ ləghənə ni doʼo tsətsəghə, ndòw fìi may tsu fə wə wə̀ udzəm, wə ney kɔʼ khəə u tii wə, wə fuu ndòw tə̀ ghə̂ a laa ghə, wə i keeli ikum idəŋ, wə daŋŋə bə dzûmə bə mə.”

Matyo 19:27

Sey, Pita n dza shi kɔʼ nə̀, “Koʼo, ghey n naŋa taʼa fə u ghey wə udzəm ni dzûmə wɔ. Ghey i kee keeli kee?”

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 6:21

N təŋkey, wù gaʼa kə fə̀ŋ n luʼu key fə̂ u wi u səŋi u loʼnə tii.

Lukas 14:33

Yeso sey dza ndownu tə ghə nə̀, Abə ghaa way ni tuu maʼa fə u ghaa udzəm, ghaa way ni doʼo soʼo dzûmə tuŋ.”

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Chi dii 3:18

N tsə̀ə bə wɔ nə̀ wə zuu kɔʼ itsàa n wɔ mə nə ghə n tsə nə kənam, sey nə̀, wə i kûm tə̀ wə zuu ndzə tə fəmə tə ni dzəŋə n wû wə ni tsəd naŋa wû wə u zum wə. Wə zuu soʼo utey ni zɔʼ n sə̂ ghə tə wə i tɔʼɔ koʼo luʼu tə.