Matyo 13:23 - Kaa n Kəzə̀ n fəghə mə

²³ Abə tə tey tə â tsɔʼlənə n zub tə dzuŋu tə, a loʼ ghə̂ ghey ghə zow tsuu ghɔɔmə i tii zə, ghə n ndzəm zowkeeli i tsu, ghə a nyim bɔŋ dzɔb tsu buʼ a dzuŋu ghə, buʼ a loʼ ghə n fuu kɔʼɔ asə̂ fəbɔm, a loʼ ghə n fuu kɔʼ asə̂ nghəm ntuubə, a loʼ ghə nghəm ntəghə.”

Matyo 13:23 ပူးပေါင်းရင်းမြစ်များ

Matyo 12:33

Yeso n dza kpiʼi ndow tə ghə nə̀, “Abə kaʼ fə nyim dzɔbənə, fə məə bə tam u dzuŋu wə, abə fə nyim dzɔbə way, fə məə bə tam u bəbə wə, bòʼ nə̀, a koʼo keeli kə fəkaʼ n ndzoʼo tam wey fə məənə.

Matyo 13:8

Ndzoʼ tə loʼ tə n kee tsɔʼlə bə n zub tə dzuŋu tə, tə n nyim, bɔŋ dzɔb kɔʼ. Buʼ a loʼ ghə n fuu asə̂ fəbɔm, a loʼ ghə nghəm ntuubə, a loʼ ghə nghəm ntəghə.”

Matyo 3:10

Fôw i loʼ tən n key ghə nkaʼ, abə kàʼ fə məə way tam u dzuŋu wə, ghə i fùŋ maʼa, ghə ney maʼa ndòw nə uvəllə.

Matyo 3:8

I ghəŋŋə ndòw na ghəə ghey a loʼnə tsətsəghə ni dii nə̀ ghaa n màʼa ghəə a bəbə a ghaa ghə.

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Malakus 4:20

Ghə̂ a loʼ ghə a kee loʼ tə̀ a loʼ ndzoʼ tey tə â tsɔʼlə bənə n zub tə dzuŋu tə̀. À wən loʼ ghə̂ ghey ghə zow tsunə ghɔɔmə i Kəzə̀ zə, ghə n bəghəm kɔʼ n fə̀ŋ ə ghə idzəm, mə̂ bə utam. À loʼ ghə nghəm ntəghə, a loʼ ghə n nghəm ntuubə, a loʼ ghə n mə̂ bə utam fəbɔm.”

Lukas 13:9

Abə fə mə̂nə nə kənum, a i loʼ ghə i dzuŋu zə, nə fə ka mə, a i fuŋ maʼa.’”

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Lukas 8:8

Ndzoʼ tə loʼ tə n tsɔʼlə bə n zub tə dzuŋu tə, tə n nyim i kɔʼ, bɔŋ dzɔb kɔʼ nə ukaʼ, sə̂ ghə asaŋ ghə n loʼ fəbɔm, fəbɔm nə ikey.” Ambə Yeso ghɔɔmə may tsunə, tə n dza shi kɔʼnə, “Wù wey tə khənə tuŋŋə wə, tə zow.”

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 8:47

Wù wey tə loʼnə wù Kəzə̀, zownu ghəə zey Zə̀ kə dzanə. Zuŋ key ghaa kee zow way ghɔɔmə i Kəzə̀ zə loʼ nə̀ ghaa way dzə ghə̂ a Kəzə̀.”

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 17:11

Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

2 Kɔrint 9:10

Sey, Zə̀ kən kə fuunə ndzoʼ tə tə̀ wù usum, nsə fəzəə wə tə̀ ghə̂ ghə, tə î fuu soʼonu ndzoʼ tə tə̀ ghaa naʼ idzəm, tə ghəŋə soʼo nə̀ ghaa ndəŋ keeli ufə nghee ghaa ngii buunə n wɔɔ kə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:17

N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.

Hibru 6:7

Ghəlikətsə kən ghow i tsuu zeelinə tii, fə u nyîmmə dzɔbənu fu tii. Wù wey tə̀ vəllənə sum u tii wə zəələ uwû n fə wey fu tii nə usum nə̀ a buulə Kəzə̀.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.