Matyo 13:22 - Kaa n Kəzə̀ n fəghə mə

²² Abə tə tey tə â tsɔʼlənə n fəŋŋə kə udzɔŋɔmgbay, a loʼ ghə̂ ghey ghə zow tsuu ghɔɔmə i tii zə, nghee ghə kee gaʼ fə̀ŋ tə n fə̂ u mbi, nsə nə ikum, wə n kwu zɔʼlə naŋa tsu ghɔɔmə i tii zə, zə n ka mə̂ utam.

Matyo 13:22 ပူးပေါင်းရင်းမြစ်များ

Matyo 12:32

Wù wey tə dzanə ghəə a bəbə ghə n kow Waa Weynum, ghə i neyzəənu bəb i wi zə, abə wù kee dzanə ghəə a bəbə ghə n kow Zay kə Zow kə, ghə i neyzəə koʼ way bəb i wi zə nya nkee tə̀ mbi nə bə may.”

Matyo 13:39

Wù təngəmə wey tə â zəghə zhìi wey loʼ Satan, nəŋə i kpey zə ufə i loʼ tə̀ mbi nə bə maynə, ghə̂ a kpey a loʼ tsətəndəghə tə Kəzə̀.

Matyo 13:40

Nghee tə̀ ghə zuŋŋə bə zhìi wə ghə n kpəghə maʼa kɔʼ nə uvəllə, a loʼ soʼo ighələ ghə nə zuŋŋə bə ghə̂ a bəbə ghə, ghə kpəghə ghə abə mbi nə may.

Matyo 13:7

Ndzoʼ tə loʼ tə n tsɔʼlə bə n luʼu tə udzɔŋɔmgbay, ambə tə nyim kɔʼnə, dzɔŋɔmgbaay wə n nyim zɔʼi maʼa kɔʼ.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 12:21

“À wən loʼ nghee i loʼnə tii ghi wù wey tə zuŋŋə naŋanə ndəmə ufə, fwaʼa way fwa K-a-zə̀ kə.”

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Lukas 8:14

Ndzoʼ tey tə â tsɔʼlə bənə nə ukaakaa, à lòʼ ghə̂ ghey ghə zownə ghɔɔmə i Kəzə̀ zə, ambə ghə nuu ndownə, chɔd u mbi, ikum, nsə laabə i mbi zə n zɔʼi naŋa tsu ghəə a Kəzə̀, ghə n way ni nyim taw n bəghəm fə̀ŋ i ghə.

Kəfwaʼ 8:18

Nghee Shimun koʼ tsunə nə̀ ngəd tə Yeso tən gaʼa ndow awɔɔ n tow wə aghə̂, ghə n keeli Zay kə Zow kə, tə n ləghə ni zuulə ghə nə ukhəə.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.