Matyo 13:11 - Kaa n Kəzə̀ n fəghə mə

¹¹ Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Matyo 13:11 ပူးပေါင်းရင်းမြစ်များ

Matyo 13:10

Dzûmə tə Yeso tə n bə bəb bə tə̀ wi nə̀, “À loʼ kee wə ghɔɔmənə tə̀ ghə̂ ghə n ghɔɔmə i fənkəfən ə?”

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Matyo 19:11

Yeso n fəd dza ndòw tə̀ ghə nə̀, “A way dzə aghə̂ adzəm ghə loʼnə ni zowkeeli ghəə zən, a may kə ghə̂ ghey ghə loʼ nə̀ Zə̀ kə n fuu ghə n tɔb u tii wə.

Matyo 20:23

Yeso n dza ndòw tə̀ ghə nə̀, “N khənu nə̀ ghaa i ndzəm loʼnu ni fəghə, abə ni doʼo n kpii kuŋ kə təmə kə nkee n kpii kuŋ kə̀ kwɔɔ kə, luʼu tə tii tə loʼ tə̀ ghə̂ ghey Bày wuŋ bayyə naŋanə tə̀ ghə.”

Malakus 10:40

Abə ni doʼo n kpii kuŋ kə təmə kə nkee kə̀ kwɔɔ kə, a way dzə buʼ kuŋ ni fuu tə̀ ghaa, luʼu tə tii tə loʼ tə̀ ghə̂ ghey Zə̀ kə bayyə naŋanə tə̀ ghə.”

Malakus 4:11

Yeso n beeli ndòw ghə nə̀, “Zə̀ kə n ghəŋə nə̀ ghaa keeli sad i fɔɔ u Kəzə̀, a sə bə ghə̂ a loʼ ghey ghə way n fɔɔ u tii wə, n dii kə ghə n ghəə ghə n ghɔɔmə i fənkəfən. I loʼ sey n təŋkey i tɔ̀ɔ doʼo n maʼlə kə tûm Kəzə̀ Ayzaya nə̀,

Lukas 8:10

Tə n beeli ndow ghə nə̀, “Ghə n fu ghaa n tɔb u tii wə ni zowkeeli sad i fɔɔ u Kəzə̀, abə ghə̂ a lòʼ ghey n khə kə ni ghɔɔmə tə ghə n ghɔɔmə i fənkəfən; sey, ghə i lòʼ ni laalə, koʼo keeli way; zəllə zowkeeli way.

Tùm i dzuŋu zə kuum Yeso Klisto tə Jɔn â tɔɔnə 6:65

Tə n dza kpiʼi tsu nə̀, “À wən loʼ ghə i tii zə mə â dzanə tə̀ ghaa nə̀, wù way dzə ni bə doʼo ghi mə nə̀ Bày wuŋ ka bəghəm nə̀ tə doʼo ghi mə.”

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 15:51

Koʼo n na! N dza n chi dii bə ghaa nə̀ isəŋə i loʼ zə, zə â nyi doʼonə. I loʼ nə̀, à way dzə saa ghən adzəm saa loʼnə dzûmə tə Klisto tə, saa i kpuunə, Zə̀ kə nə kee maŋa nuu kwey kɔʼɔ kə wû i saa.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

1 Kɔrint 4:1

Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

Efesus 1:18

N gɔŋŋə soʼo nə̀ fə̀ŋ tə ghaa tə chi kɔʼ ni koʼ tsə ə Kəzə̀, sey nə̀, ghaa i loʼ ni tɔʼ zowkeeli ghəə ghey ghaa gaʼnə fə̀ŋ tii tə̀ a loʼ ghə̂ a Kəzə̀. N ləghə nə̀ ghaa zowkeeli tsu naamə kə nii key nsə buulə zey tə â təb naŋanə ni fu tə̀ ghə̂ a wi ghə.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 5:32

Ndəmə aghəə a nyì doʼonu n ghɔɔmə zən, n kee dza bə ni dii bə nghee tə doʼo i Klisto ghi ghə̂ a ndaw Kəzə̀ i loʼnə tii.

Efesus 6:19

Ghaa i gɔŋŋə soʼo tə̀ mə, nə̀ Zə̀ kə fuu mə n ghəə zey n khə ni dza, abə buʼ kə shinə tə̀ mə ni ghɔɔmə, sey nə̀ mə i loʼ ni chi dii ghəə ghən a nyi doʼonə n tûm i dzuŋu zə n fə̀ŋ idzəm nə̀ n khə way tsəŋ i loʼ zə.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 3:9

Ghə khə ni teeli khə fə̀ŋ tə zow tə tə̀ ghə naŋŋə kɔʼɔ bənə isəŋə zən Zə̀ kə â chi dii bənə tə ghə bòʼ bəghəm i fə̀ŋ.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

1 Jɔn 2:20

Abə ghaa, ghaa way dzə tə a loʼ ghə bòʼ nə̀ Klisto n tsoʼlə ghaa n mbvə mən n nuu bənə n wɔ Zay kə Zow kə, kə u ghəŋŋə nə̀ ghaa adzəm, ghaa keeli isəŋə.

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.