Matyo 12:34 - Kaa n Kəzə̀ n fəghə mə

³⁴ Zuu tə bəbə tə tə̀ a loʼ ghaa! Ghaa loʼ ngee ni khəə ghəə a dzuŋu ghə nə̀ ghaa loʼ ghə̂ a bəbə ghə ə? N təŋkey wù bɔɔmə khəə shiə bə kə ghəə ghey a luu doʼonə n fə̀ŋ ə wi.

Matyo 12:34 ပူးပေါင်းရင်းမြစ်များ

Matyo 12:35

Wù dzuŋu u khəə shiə bə kə ghəə a dzuŋu ghey a nyì doʼonə n fə̀ŋ ə wi. Wù bəbə n khəə shiə bə kə ghəə a bəbə ghey a nyì doʼonə n fə̀ŋ ə wi.

Matyo 15:18

Ghəə ghey a kee shiə bənə n dzuu i wù, a nuu bə n fə̀ŋ ə wi. À wey loʼ fə wey u dzəələnə wi.

Matyo 23:33

Ghaa bəbə tə a loʼ təzuu! Ghaa loʼ waa ghə ufwey! Ghaa moʼlə nə̀ ghaa i loʼnu ni tyi nə̀ kə Zə̀ kə nə tûmnə ghaa n luʼu key ghə̂ a fəʼlənə tii ə?

Matyo 3:7

Ambə Jɔn koʼ tsunə ndəmə ghə̂ a tə Falasi nsə ghə̂ a tə Sadusi a bəghə soʼonə ni bə ney mmuu n Kəzə̀, tə n dza tə̀ ghə nə̀, “Ghaa loʼ tə̀ a loʼ zuu tə̀ bəbə tə! À ghaa mbɔŋ tsə̀ ndee nə̀ ghaa tyi ngoʼo Kəzə̀ zən i bəghənə ə?

Lukas 3:7

Nɔɔ kə aghə̂ kə bə n səə Jɔn ni bə ney mmuu n Kəzə̀. Tə n dza ndòw tə̀ ghə nə̀, “Zuu tən! À ghaa tsiəllə ndee nə ghaa tsi ngoʼo Kəzə̀ zən i bəghənə?

Lukas 6:45

Wù dzuŋu ghəŋə kə ghəə a dzuŋu ghey a shi kɔʼ bənə n fə̀ŋ ə wi. Wù bəbə ghəŋə kə ghəə a bəbə ghey a shi kɔʼ bənə n fəŋ ə wi, kuumnə wù ghɔɔmə kə ghəə ghey a kuʼ doʼonə n fəŋ ə wi.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:4

Maʼa na ghɔɔmə i dzəə zə, ghɔɔmə i bəbə zə nsə laʼlə kə isə̀ kə. Ghaa khə ni fədlə fuu ndow zɔŋŋə K-a-zə̀ kə n ghəə ghey tə ghəŋənə tə̀ ghaa.

Jems 3:2

I loʼ nə̀, saa adzəm nɔʼɔnu n ndəmə təjìi. À kee loʼ nə̀ wù wey tə loʼ ni doʼo nə̀ tə nɔʼɔ koʼo tsə way ghəə zey tə dzanə, tə loʼ wù tsətsəghə, dii tsu nə̀, tə loʼnu ni tɔʼ kwu keeli soʼo wû u wi.

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.