Matyo 11:6 - Kaa n Kəzə̀ n fəghə mə

⁶ Ndzuŋ loʼ tə̀ wù wey tə səmə way bòʼ mə̀.”

Matyo 11:6 ပူးပေါင်းရင်းမြစ်များ

Matyo 13:21

ghə n ka ngii taw tii, ghə n dzə kòw tsu kə fə̀ŋ fənyaŋi, ambə ghəə a dza i bə taw tsu kə n kow ghə, nkee ghə chɔdlɔnə ghə bòʼ ghəə zey ghə bəghəm, ghə n kəm ghaʼi tyi zəghə i tsu.

Matyo 18:7

Ngoʼ loʼ fa n mbi bòʼ ghəə ghən a chimmənə ghə̂ ghə nə̀ ghə i ghəŋŋə bəb zə. Ghəə a tii a khə ni teeli shi, a kee loʼ nə̀, ngoʼ loʼ tə̀ wù wey tə chimmənə ghə̂ ghə nə̀ ghə ghəŋə ibəb.

Matyo 24:10

Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə.

Matyo 26:31

Nghee Yeso ghi ngəd tə wi tə ndow kuum tsunə fu, Yeso n dza ndòw tə̀ ghə nə̀, “Na, n tsuʼu tə, ghaa adzəm, ghaa î tyi naŋŋə tsu taʼa tsuu mə n nəŋə mə, bòʼ nə̀, màʼlə K-a-zə̀ kə dza nə̀, ‘Zə̀ kə î wey tsu wù keyyə u tənjì wə, njì tə tii tə i tyi saŋŋə tsu.’

Matyo 5:29

Abə sə̂ zə n kpii wə u təmə wə, chimmənə wɔ nə̀ wə ghəŋə ghə i bəbə zə, bɔʼi nuu shi bə sə̂ i tii zə, wə̀ maʼa, n təŋkey, tə̀ Zə̀ kə ni maʼa wû wə udzəm n luʼu key wə i fəʼlənə tii, dzɔb lòʼ nə̀ wə guŋu bad kə uwû kə kəmɔ̀ʼ.

Malakus 6:3

À wən way wù wey tə kɔmnə kaʼ mə ə, tɔŋŋə waa Maria ə? Waazə a wi a way Jems, Yosef, Judas, nsə Shimun ə? N dza waazə a wi a zən a mgbaŋ muu kə fa ghi ghey ə?” Sey, ghə n fəələ ndòw n fə̀ŋ n ghəə ghey tə̀ dzanə.

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

Lukas 7:23

Buulə i loʼ tə̀ wù wey tə səmə way ni dzûmə mə.”

Tùm i dzuŋu zə kuum Yeso Klisto tə Jɔn â tɔɔnə 16:1

Yeso n nam dza ndow tə̀ ngəd tə wi tə nə̀, “N dza naŋŋə zey bə ghəə ghən adzəm tə̀ ghaa, sey nə̀ kə̂ ghaa nə bwu doʼlənə n bəghəm i fə̀ŋ i ghaa.

Tùm i dzuŋu zə kuum Yeso Klisto tə Jɔn â tɔɔnə 6:66

Ambə dzûmə tə Yeso tə zow tsunə ghəə ghən, ndəmə ghə n zəghə tsu wi, kəm dzûmə way wi.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.