Matyo 11:23 - Kaa n Kəzə̀ n fəghə mə

²³ Abə ghaa ghə̂ a Kapenum ghə, ghaa moʼlə nə̀ ghaa loʼ ni kɔʼlə wû i ghaa idəŋ ə? Ngaŋ! Zə̀ kə î maʼa tsu ndòw ghaa n luʼu key ghə̂ a fəʼlənə tii. N təŋkey, abə a mə loʼ nə̀ ghəə a faalə ghey ghə â ghəŋənə n naʼ i ghaa, nə̀ ghə â ghəŋə n naʼ i Sodom, tə̂ Sodom mə nam loʼ ni bə shi na.

Matyo 11:23 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 17:24

Nghee tə̀ Yeso ghi ngəd tə wi tə ndòw bənə n Kapenum, ghə̂ a kwɔɔ a màʼlə kə tsow kə n ndaw Kəzə̀ i nii zey n Yerosalem n bə bəb bə tə̀ Pita nə̀, “Wù dii ə ghaa tsow tsə way màʼlə kə n ndaw Kəzə̀ i nii zə nə̀ à loʼ kee?”

Matyo 4:13

Tə n ka muu dzə n Nazaled, ndòw muu ndòw n Kapenum, n nguŋ ə nyi i Galili, n dəŋə kə Zebulun nsə Naftali.

Matyo 8:5

Nghee tə̀ Yeso nyi ndòwnə n naʼ i Kapenum, wù nii sàʼ kə təsawgoʼ kə Roma u loʼ wə n bə n səə wi, buʼ wi n wɔɔ kə nə̀,

Lukas 10:15

Abə ghaa ghə̂ a Kapenum ghaa nya moʼlə kə nə Zə̀ kə i kɔʼlə naŋa kɔʼɔnu ghaa idəŋ. À way dzə sey. Ghaa i nyiə nə uvəllə.

Lukas 14:11

Təŋkey, wù wey tə kɔʼlənə wû u wi wə, tə i fədlə keeli ulən, abə wù wey tə kɔʼlə way wû u wi wə, ghə i kɔʼlə naŋa kɔʼ wi.”

Lukas 16:23

Ambə tə loʼnə n naʼ zə ivə zow ngoʼ fu, tə koʼ kɔʼ ndòw Abraham nə kədaa, ghi Lazarɔs n səə wi.

Lukas 4:23

Yeso n dza ndòw tə̀ ghə nə̀, “N khənu nə ghaa i fə̀nnə dza bənu tə̀ mə̀ nə̀, a wù Ngaŋ, bɔɔlə dzəm zə, ghəŋə soʼo ghəə ghey â zownə nə̀ wə a ghəŋə n Kapenum fa n naʼ zə.”

Kəfwaʼ 2:27

N təŋkey wə i tûmmə naŋa way vən fə uwû fuŋ fə n naʼ zə ivə, Wə i bəghəm soʼo way nə vən i waa wə u dzuŋu wə i fway nə isay.

Kəfwaʼ 2:31

Fɔ̀ɔ Devid mâ koʼ nə̀ ghə i tii i khə ni bə shi, tə n dza zey bə nə wù wey Zə̀ kə â dza naŋa nə̀ i tûm bənu, i zhəm dzəŋŋənu nə ivə. Tə n dza soʼo nə̀, ‘Zə̀ kə i tûmmə naŋa dzə way vən i wi zə n naʼ zə ivə, Tə i bəghəm soʼo way nə vən i wi i fway nə isay.’

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 11:8

Vən a ghə ghə i nyəŋi doʼo n jii naʼ i səŋi zən ghə â weynə Mûkəbii ə ghə tii n zat kə fəkaʼ. Zəd i ndzɔŋ zə inaʼ i tii i loʼ Sodom nsə Ijip.

Chi dii 20:13

Nali kə dzuu kə n tən naŋa shi kɔʼ bə ghə̂ a kpuu ghey ghə â loʼnə tii a bii. Ivə nsə naʼ zə ivə zə n zəghə maʼa shi kɔʼ bə soʼo ghə̂ a kpuu ghey ghə â loʼnə fu. Zə̀ kə n saʼa ghə adzəm n ghəə ghən ghə â ghəŋənə

Chi dii 6:8

Mə n laalə, koʼ ndow kəkhinyam kə fiilə gow shwɔlizuu. Zəd i wù wey tə â nyəŋənə khinyam kə tii kə â loʼ Ivə, Naʼ zə ivə zə n kùʼlə bəghə soʼo n baa wi. Ghə n fu ndow ghə n daʼa kə nə kəbad kəmɔ̀ʼ nə tədzawwə təkaykə fa a ghəlitsə, nə̀ ghə wey aghə̂ n kɔb, dzəŋ i faalə zə, tədzaŋa nsə nyam tə mbvən fa a ghəlitsə.