Matyo 10:7 - Kaa n Kəzə̀ n fəghə mə

⁷ I naʼlə ndòw na ghəə a Kəzə̀ ghə nghee tə̀ ghaa ndownə, dza ndòw nə̀, ‘Fɔ̀ɔ wə idəŋ wə n shɔd.’

Matyo 10:7 ပူးပေါင်းရင်းမြစ်များ

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Matyo 11:1

Ambə Yeso dza may tsunə ghəə ghə tə̀ ngəd tə wi tey ighəm n ghii tə təbəghə, tə n zəghə tsu naʼ zey, bwey ndòw naʼa tə̀ naʼa n mboʼ i tii zə, dii ndòw aghə̂ naʼlə ndòw soʼo ghəə a Kəzə̀.

Matyo 21:31

À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.” Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa.

Matyo 21:43

Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.”

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 16:16

Laŋ u Mushi nsə tûm tə Kəzə̀ tə â gaamə tsə ghaa ni keeli ghəə a Kəzə̀ ni bə kùm tə̀ Jɔn wù fuu u mmuu Kəzə̀ mə â bə nə. Ni ney nuu bə n nəŋŋə i tii zə, n sa naʼlə kə tûm i dzuŋu zə bòʼ fɔɔ u Kəzə̀, ghə̂ ghə a fuʼunə ni nyi fu tii nə kədaʼa.

Lukas 9:2

Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Lukas 9:6

Sey, ghə n nuu shi ndòw, bwey naʼa tə naʼa, naʼlə ndow tûm Kəzə̀, baŋə ghə a dzaŋa ghə.

Lukas 9:60

Yeso n dza ndòw tə̀ wi nə̀, “naŋa tsu tə̀ ghə̂ a kpuu a tsəllə ndòw ghə̂ a kpuu ghə, abə wɔ, ndòw naʼa ndòw ghəə a fɔɔ u Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 3:2

N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”

Kəfwaʼ 10:25

Nghee Pita nyiə ndownə n ndaw, Kɔnilus n kpii ney bə wi, təm ndow tənguʼ n tənnə wi, fuu ndow wi n ngɔɔmə zə.

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Kəfwaʼ 4:2

Ghə̂ ghən â bə koʼ bə Pita ghi Jɔn n təŋkey nəghə mə â ngii fəə ghə nghee ghə diinə ghə̂ ghə n ghəə ghə bòʼ Yeso. Ghə â naʼlə nə̀ Yeso zhəm dzəŋŋə nə ivə, dii tsu nə̀ wù loʼnu ni zhəm dzəŋŋə nə ivə.