Matyo 10:5 - Kaa n Kəzə̀ n fəghə mə

⁵ Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii.

Matyo 10:5 ပူးပေါင်းရင်းမြစ်များ

Matyo 22:3

Tə n tûm shi ndòw ghə̂ a kəfwaʼ a wi nə̀ ghə ndòw tɔŋɔ bə ghə̂ ghey tə â naʼanə n zə̂ kə tii kə. Ghə̂ a tii ghə n tuu ni bə.

Matyo 4:15

“Ghə̂ a Zebulun, ghi ghə̂ a Naftali ghə, Ghə loʼnə n jìi ə inyi n nguŋ ə dzuu Jodan i loʼ zey tɔŋŋə n Galili, naʼ i ghə̂ ghən ghə way ghə̂ a Təjuu ghə.

Malakus 6:7

Yeso n tɔŋɔ naŋa bə ngəd tə wi tey ighəm n ghii tə təbəghə, tûm shi ndòw ghə abəghə, abəghə nə̀ ghə ndòw naʼa tûm Kəzə̀. Tə n fuu tsu ghə n daʼa kə ni dzùm shi zay u bwu wə n kow ghə̂ ghə.

Lukas 10:1

Abə ghəə ghən tsəghə tsu nə̀, Mûkəbii n say shi bə tədzûmə nghəm nsəghəmbəghə ghi ghə abəghə, tûm shi ndow ghə abəghə, abəghə isə n naʼa tən tədzəm n luʼu tey tə â khə ni nam ndow fu.

Lukas 10:33

Wù Samaria u loʼ wə tə a bweyyə ndòwnə n ndòw bə soʼo fu tii, ambə tə koʼ tsu nə wù wey, tə n kwɔɔlə isî n kow wi.

Lukas 17:16

Tə n bə təm bə tənguʼ n tənnə Yeso, fu zɔŋə kə wi, a n loʼ nə a loʼ wù Samaria.

Lukas 9:1

Ambə n tsuʼ fə lòʼ fə, Yeso n tɔŋɔ naŋa bə tsətəndəghə tə wi tey ighəm n ghii tə təbəghə, fu tsu ghə n daʼa kə ni dzùm shi zay u bwu wə nsə ni baŋə tədzaŋa.

Lukas 9:2

Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Tùm i dzuŋu zə kuum Yeso Klisto tə Jɔn â tɔɔnə 17:18

Mə n tûm nyi ndow ghə n mbi, ighələ tə̀ wə â tûm nyi bə mə n mbi.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 4:20

Ghə bày a ghey ghə â ngɔɔmə tsə Kəzə̀ n kaʼ wən, ghaa ghə̂ a Təjuu, ghaa kee dzanə a may kə n Yerosalem a khənə ni ngɔɔmə Zə̀ kə.”

Tùm i dzuŋu zə kuum Yeso Klisto tə Jɔn â tɔɔnə 4:5

Nghee tə tsəghənə n Samaria, tə n ndòw bə n naʼa fə loʼ fə ghə â tɔŋŋənə nə̀ a loʼ Sika, i loʼnə n səə luʼu key Yakɔb â fuunə tə̀ waa wi, tɔŋŋə Yosef.

Tùm i dzuŋu zə kuum Yeso Klisto tə Jɔn â tɔɔnə 4:9

Weyzən ə Samaria wey n dza tə wi nə̀, “Wə loʼ wu Juu, n lo zən ə Samaria, wə sə loʼ ngee ni nɔɔ mə n mmuu mə ə? Tə â dza sey boʼnə ghə̂ a Təjuu ghə â shiə dzɔbə way ghi ghə̂ a Samaria ghə.”

Tùm i dzuŋu zə kuum Yeso Klisto tə Jɔn â tɔɔnə 7:35

Ngəd tə Təjuu tə n zey ndòw ni ghɔɔmə n wû i ghə nə̀, “Tə dza i boʼo ndòw ghee, saa î way ni kəŋ koʼ wi ə? Tə moʼlə ni ndow n naʼ i Grik, n luʼu key ghə̂ a saa a muu kaabənə tii ni dii ndòw ghə̂ a Grik ghə ə?

Tùm i dzuŋu zə kuum Yeso Klisto tə Jɔn â tɔɔnə 8:48

Ghə̂ a Təjuu ghey n dza tə̀ Yeso nə̀, “I sey dii nə̀, ghey mə ka nɔʼ dzə ni dza nə̀ wə̀ loʼ wù Samaria, nsə nə̀ zay kə bəbə kə loʼ n kow wɔ.”

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 8:1

Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.