Matyo 10:22 - Kaa n Kəzə̀ n fəghə mə

²² Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 10:22 ပူးပေါင်းရင်းမြစ်များ

Matyo 10:39

Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 5:11

“Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Malakus 13:13

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Lukas 21:17

ghə̂ adzəm nə̂ baa ghaa bòʼ mə.

Lukas 21:19

Bə ghaa kwu tawwə tsunə fə̀ŋ tə, ghaa nə keeli ibəghəshi.

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Tùm i dzuŋu zə kuum Yeso Klisto tə Jɔn â tɔɔnə 17:14

N mâ ghɔɔmə zə i fuu tə̀ ghə, ghə̂ a mbi ghə a bàa ghə, n təŋkey, ghə way dzə tə a loʼ ghə̂ a mbi, ighələ tə̀ n nghee n way wù mbi.

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

2 Kɔrint 4:11

Ghey koʼo tənə tsə kə ivə n muu i ghey bòʼ Yeso, sey nə̀ ghə̂ ghə i loʼ ni koʼ muu i Yeso n vən fə uwû fə ghey.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

1 Jɔn 3:13

Sey waazə ghə, kə dzuu zə i zum ghaa abə ghə̂ a mbi a baanə ghaa.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 2:26

Wù wey tə i taw tsəghənə ghəə a bəbə ghə, kow tsu soʼo fə̀ŋ ni ghəŋə ghəə ghey n ləghənə ni ndow taa ndow, mə i fuu wi n daʼa kə ni saʼ naʼa tə tii tə.

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.