Matyo 1:21 - Kaa n Kəzə̀ n fəghə mə

²¹ Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Matyo 1:21 ပူးပေါင်းရင်းမြစ်များ

Matyo 1:25

Tə n ka kee nyəŋi dzə ghi wi tə̀ wi ni bə ji. Maliya n ji tsu waa u num wə, Yosef n tsə̀ tsu zəd i wi nə̀ a loʼ Yeso.

Lukas 1:13

Tsəndəghə ə Kəzə̀ zey n dza ndow tə wi nə̀, “Ka tsəŋ dzə a Zakalia. Zə̀ kə n zow gɔŋŋə zə zə̀. Wey wə Elisabet î jiə bə wɔ n waa u nûmwə, wə i tsə̀ tsu zəd i wi nə a loʼ Jɔn.

Lukas 1:31

Wə̀ i bɔŋɔnu, wə̀ i ji bə waa u num wə. Wə̀ i tsə̀ tsu zəd i wi nə̀ a loʼ Yeso.

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Lukas 2:21

Ambə tsuʼu n tsəghə tsunə ifam, tsuʼ fə kpii tsunə ni faalə waa, ghə n tsə̀ tsu zəd i wi nə a loʼ Yeso. A n loʼ zəd zey tsəndəghə ə Kəzə̀ zey â fuunə nə̀ ghə ka kam bɔŋ wi.

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Kəfwaʼ 13:23

À loʼ n tyi kə Devid wən Zə̀ kə â fuu bənə Yeso nə̀ tə bə doʼo bəghəshi tə ghə̂ Izree ghə nghee tə̀ â təb naŋanə.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.