Matyo 1:20 - Kaa n Kəzə̀ n fəghə mə

²⁰ Nghee tə̀ tə moʼlənə ghəə a tii ghə̀, tsəndəghə ə Kəzə̀ n bə tə̀ wi nə ujim, dza tə̀ wi nə̀, “Yosef, waa Devid, kà tsəŋ dzə ni ney ndòw Maliya tə̀ a loʼ wey wə, kuum nə̀, waa wey tə khənə nə unəghə, tə bɔŋ n daʼa kə Zay kə Zow kə.

Matyo 1:20 ပူးပေါင်းရင်းမြစ်များ

Matyo 1:18

À wən loʼ nghee tə̀ ji i Yeso Klisto zə â neynə bənə kə tii. Â loʼ nə̀ Yosef n bə nyi naŋa Maliya tɔŋŋə này Yeso n wey. Tə̀ ghə ni kee bə ney iwû, Maliya n kòʼ kə nə̀ tə nya loʼ nəghə u waa n daʼa kə Zay kə Zow kə.

Matyo 2:12

Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.

Matyo 2:13

Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”

Matyo 2:19

Ambə Helɔd kpuu tsunə, tsəndəghə ə Kəzə̀ n ndòw bə nə ujim, dza tə̀ Yosef nə̀,

Matyo 2:22

Nghee tə Yosef zow tsunə nə̀ à loʼ Akilɔs waa Helɔd tə kɔʼnə ndaŋ ə Kədə̀ŋ n Judeya, tə n tsəŋ ghaʼ ni ndòw fu. Tə n ndòw tsə̀ghə̀ kɔʼ daŋŋə ndòw n mboʼo Galili, kuumnə tsəndəghə ə Kəzə̀ mâ bə tsə̀ wi nə ujim.

Matyo 27:19

Nghee tə̀ Pilato nam doʼnə n kuu key tə doʼlənə tii ni saʼ aghə̂, wey wi n tûm bə tûm tə̀ wi nə̀, “Kə wə̀ nə ghəŋŋənə ghə i bəbə zə n kow wù wey, n təŋkey, wɔɔ a wi a zownu. Jim u mə bə mə na, n jim u tii wə, mə n ngii fəghənə bòʼ wi.”

Matyo 28:5

Tsəndəghə ə Kəzə̀ wey n dza ndòw tə̀ gheyzən ghey nə̀, “Kə̂ ghaa nə̂ tsəŋənə, n khənu nə̀ ghaa kəŋə Yeso wən ghə â baanə n zat kə fəkaʼ.

Lukas 1:19

Tsəndəghə ə Kəzə̀ zey n beeli ndòw wi nə̀, “N loʼ Gabriya, wù tûm wey tə fwaʼa nə tə̀ Zə̀ kə, Zə̀ kə tûm mə nə̀ n bə naʼa bə tûm i dzuŋu zən tə̀ wɔ.

Lukas 2:4

Sey, Yosef n nuu tsu soʼo n naʼ i Nazaled, n mboʼo Galili, kɔʼ ndòw n Betelehem, naʼ i Fɔɔ, Devid n mboʼo Judeya, n təŋkey tə â shi n sad i kəbii i Devid.

Kəfwaʼ 5:19

A n kee bə n tsuʼu tə, tsəndəghə ə Mûkəbii n bə chi tsu fuʼu ndaw u ndaw tsaʼ, ney nuu shi bə ghə, dza tsu tə ghə nə̀,

Chi dii 19:7

Bə na tə saa saŋŋə, saa duʼlə ni fuu n nkɔʼlə tə wi! Təŋkey tsuʼ fə Waa Nji fə n kpi ni ney wey wi, wey wi n bayyə naŋa tən soʼo wû u wi wə.