Matyo 1:1 - Kaa n Kəzə̀ n fəghə mə

¹ À wən loʼ màʼlə kən kə taŋŋə kɔʼ bənə ghə bày bày a Yeso Klisto wən tə â loʼnə waa sali i kəbii i fɔ̀ɔ Devid. Devid â loʼ waa sali i kəbii zə Abraham.

Matyo 1:1 ပူးပေါင်းရင်းမြစ်များ

Matyo 1:18

À wən loʼ nghee tə̀ ji i Yeso Klisto zə â neynə bənə kə tii. Â loʼ nə̀ Yosef n bə nyi naŋa Maliya tɔŋŋə này Yeso n wey. Tə̀ ghə ni kee bə ney iwû, Maliya n kòʼ kə nə̀ tə nya loʼ nəghə u waa n daʼa kə Zay kə Zow kə.

Matyo 1:2

Abraham â ji tsu Ayzik, Ayzik n ji tsu Yakɔb, Yakɔb n ji tsu Juda nsə waazə a wi ghə,

Matyo 15:22

Weyzən ə Kanan u loʼ wə tə â muunə n dəŋə kə tii kə n ndòw bə n səə Yeso, dey dza tə̀ wi nə̀, “Mûkəbii, Waa Devid, Kwɔɔlə sî zə n kow mə̀, zay kə bəbə kə loʼ kə fəmmə waa wuŋ u zən wə, tə way kədzuŋ.”

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Matyo 9:27

Nghee tə̀ Yeso zə̀ghə tsunə fu, nuu daŋŋə ndow, ghə̂ à fəbə a loʼ ghə abəghə n nuu ndòw n bàa wi. Ghə n dey dza ndòw tə̀ wi nə̀, “A waa Devid looo, kwɔɔlə sî zə n kow ghey!”

Lukas 1:33

Tə nə saʼa n sad i kəbii i Yakɔb tə̀ mbi nə bə may. Saʼ i wi i nə may koʼ way.”

Tùm i dzuŋu zə kuum Yeso Klisto tə Jɔn â tɔɔnə 7:42

Màʼlə K-a-zə̀ kə dza nə̀ wù wey Zə̀ kə â dza naŋa nə̀ i tûm bənu î loʼ waa a waa a Fɔɔ Devid. Ghə i jiə wi n naʼ i Betelehem, n naʼ zey Devid â shinə tii.”

Kəfwaʼ 2:30

À kee loʼ nə tə â loʼ wù tûm Kəzə̀, tə khə nə̀ Zə̀ kə mâ təb naŋa ghəə ghə tə wi, zə̂ nkaa nə i naŋŋə waa waa Devid u loʼ wə, tə i saʼa dzɔbənə ghə̂ a wi ghə tə a loʼ Devid.

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Roma 4:13

Zə̀ kə â təb naŋa tə Abraham ghi waa a waa a wi ghə nə̀ à i keeli ghə mbi zən. Â way dzə nə̀ tə â tɔʼɔ ngii naŋŋə laŋ K-a-zə̀, â fəd loʼ n təŋkey, tə â bəghəm tə Zə̀ kə, Zə̀ kə n ney ndow wi nə̀ tə loʼ tsətsəghə.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

Galeshia 3:16

Zə̀ kə â təb naŋa ghəə ghən tə Abraham ghi waa waa wi. Màʼlə K-a-zə̀ kə ka dza dzə nə̀, “Tə waa a waa a wi ghə.” Tə a i dza ghə loʼ n ndəm. Màʼlə K-a-zə̀ kə fəd dza, “Waa waa wi”, dii tsu nə a loʼ wù umɔʼ tɔŋŋə Klisto.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

2 Timoti 2:8

Keeli tsu nə̀ Zə̀ kə â zhəm dzəŋŋə bə Yeso Klisto wən tə loʼnə waa waa fɔ̀ɔ Devid nə ivə. À wən loʼ tûm i dzuŋu zən n naʼlənə.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”