Malakus 9:43 - Kaa n Kəzə̀ n fəghə mə

⁴³ I loʼ soʼo nə̀, abə wɔɔ kə kə̀ ghəŋənə wɔ̀ nə̀ wə bwù n ghəə a bəbə ghə, khəə nuu kɔʼ wɔɔ kə tii kə. Dzɔb loʼ tə̀ wɔ̀ nə̀ wə keeli muu zə itsali n wɔɔ kə kəmɔʼ, tsəghəshi tə̀ wɔ̀ ni ndòw n vəllə u tsali wə n wɔɔ ghə ghə̀ abəghə.

Malakus 9:43 ပူးပေါင်းရင်းမြစ်များ

Matyo 17:27

N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 3:12

Tə khə tən neeli kə wi n wɔɔ ni fəəbə təndzoʼ tii. Tə i fəəbə naŋa ndòw ndzoʼ tə dzuŋu tə nə utaa, tə kàŋ kpəghə maʼa ndòw ghow u tii wə n vəllə wey u nəmmə koʼo tsə way.”

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Malakus 9:44

[Nyuŋŋə tey tə fəənə ghə̂ ghə fu, kpuu koʼo tsə way, vəllə wey fu, nəmmə koʼo tsə soʼo way.]

Lukas 14:13

Fət tɔŋɔ bə ghə̂ a laa ghə, ukəŋŋə nsə ghə̂ a fəbə ghə,

Lukas 14:21

Sey wù kəfwaʼ wey n dzəŋŋə ndow, bə dza bə ghəə a tii ghə adzəm tə̀ mûkəbii a wi. Fəŋ n ngii fə̂ mûkəbii wey, tə n tûm shi ndow wù kəfwaʼ wey dza, ‘Ndow n faabə tə jii nsə n jii tə ukɔli tə inaʼ, wə tɔŋɔ kaabə bə ghə̂ a laa ghə, ghə̂ a fəbə ghə nsə kəŋŋə wə.’

Lukas 3:17

Tə khə tən neeli kə wi n wɔ ni fəəbə nuu kɔʼ udzə nə təndzoʼ. Tə i ney kɔʼɔ tə dzuŋu tə, tə naŋa ndòw nə utaa, tə ney kɔʼ dzə wey, tə kpəghə maʼa ndow n vəllə wey u nəmmə koʼo tsə way.”

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

1 Kɔrint 9:27

N ghəŋə naŋa wû wuŋ nə̀ kə u nə zownə fɔɔbə zə abə ghə tsɔɔbənə mə, ghəŋə soʼo nə̀ wə i zow bə tə mə. N sey ghəŋŋə nə̀ i kə n nə naʼlənə tûm i dzuŋu zə tə ghə̂ ghə, wû wuŋ n ka keeli naamə key n khə ni keeli.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.