Malakus 9:29 - Kaa n Kəzə̀ n fəghə mə

²⁹ Yeso n beeli ndòw ghə nə̀, “Ghə i loʼ i way wù loʼnə ni ghəŋə ni dzùm shi ndzoʼo zay kən, a may kə nə̀ tə ndəŋ gɔŋŋə tsunu, bam idzuu soʼo.”

Malakus 9:29 ပူးပေါင်းရင်းမြစ်များ

Matyo 12:45

Tə n daŋŋə nuu dzəŋŋə ndòw, ndòw ney bə zay u bəbə u loʼ wə usəghəmbəghə, u bəb tsəghəshinə wi, ghə n bə muu nyi bə fu. Ghəə a wù tii ghə n kəm bəb tsəghəshi tsu nghee a mə loʼnə tii sə̂ i sə. À wən loʼ nghee zə î doʼlənə tii ghi ghə̂ a bəbə ghən n num tə tən.”

Matyo 17:20

Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.”

Matyo 17:21

[À bɔɔmə may kə nə igɔŋŋə nsə dzuu i bam zə wù loʼnə ni dzùm shi ndzoʼo zay kə bwu kən.]

Malakus 9:28

Ambə Yeso ghi ngəd tə wi tə nyi ndòwnə n ndaw, ngəd tə wi tə n bə tsɔŋ bəb bə tə̀ wi nə̀, “A kee loʼ kee ghey mə way ni dzùm shi zay kə bwu key ə?”

Malakus 9:30

Yeso ghi ngəd tə wi tə n nuu tsu fu, tsəghə tɔɔlə ndow n mboʼo Galili. Yeso â ləghə way nə̀ ghə̂ a keeli luʼu key tə loʼnə tii,

Lukas 11:26

Tə n dzəŋŋə ndòw ney bə vəətsəə a loʼ ghə asəghəmbəghə a bəbə tsəghəshinə wi, ghə n ndòw mû nyi ndòw fu. Sey ghəə a wù tii ghə n bəb tsəghəshi tsu n nghee ghə â buʼ loʼ nə tii.”

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

1 Kɔrint 9:27

N ghəŋə naŋa wû wuŋ nə̀ kə u nə zownə fɔɔbə zə abə ghə tsɔɔbənə mə, ghəŋə soʼo nə̀ wə i zow bə tə mə. N sey ghəŋŋə nə̀ i kə n nə naʼlənə tûm i dzuŋu zə tə ghə̂ ghə, wû wuŋ n ka keeli naamə key n khə ni keeli.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

2 Kɔrint 12:8

Tənəŋə tətəghə nə̀ n buʼu kə kəwɔɔ tə̀ Mûkəbii nə̀ tə ney nuu dzaŋ i tii zə.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

Jems 5:15

Gɔŋŋə zey ghə i gɔŋŋə tsunə n bəghəm i fə̀ŋ, i ghəŋŋə nə̀ wù dzaŋa tii taw doʼo bə. Mûkəbii i ney nuu dzaŋ i tii zə. Nə̀ wù tii â ghəŋə bəəbə ghə i loʼ zə, Mûkəbii i neyzəə bəb i wi.