Malakus 9:24 - Kaa n Kəzə̀ n fəghə mə

²⁴ Bày waa wey n daŋŋə dza, “N khənu bəghəm i fə̀ŋ zə̀, kee gaamə mə nə̀ n ndəŋ keeli tsu.”

Malakus 9:24 ပူးပေါင်းရင်းမြစ်များ

Malakus 9:23

Yeso n dza tə̀ wi nə̀, “Wə bəb bə nə̀ ‘Abə n khənə jìi ə?’ Ghə i loʼ i way ni taw tsəghə wù wey tə khənə bəghəm i fə̀ŋ zə.”

Malakus 9:25

Yeso n daŋŋə koʼ nə̀ nɔɔ kə aghə̂ kə nya kuʼu bənu, sey, tə n tsəʼlə tsu kəlaŋ tə̀ zay kə bwu key nə̀, “Wɔ zay kən wə ghəŋŋənə nə̀ waa wən kuʼ doʼo, tə doʼo soʼo kəmùʼ, bə tsəghə shi n kow wi, wə̀ nuu tən.”

Lukas 17:5

Ngəd tə wi tə n dza nə̀, “Mûkəbii dii bə tə̀ ghey nghee ghey loʼ ni ghəŋə ni keeli bəghəm i fə̀ŋ i nii zə.”

Lukas 7:38

Tə n bə nyaʼa doʼo bə n baa Yeso, dey tsuulə tsu nsə̂ n fuu i Yeso, zə̀llə̀tsu fuu i wi n nyûŋ tə kətow tə wi, tsoʼlə tsu n mmbvə n ləmmə mə.

Lukas 7:44

Yeso n khə̀mə laalə ndòw weyzən wey, dza tə Shimun nə̀, “Wə koʼonu weyzən wən ə? N nyi bə n ndaw zə, wə ka mə n mmuu mə fu nə n kaali ifuu tii, tə u nyi bənə, sow maʼa fuu zuŋ n sə̂ n wi, zəd maʼa n nyûŋ tə kətow tə wi.

Kəfwaʼ 10:19

Nghee Pita nam kəŋə tow kə ni zowkeeli ghəə zey jim wey diinə, Zay kə Zow kə n dza ndow tə wi nə̀, “Ghə̂ a tey bii atəghə, ghə kəŋŋə bənə wɔ.

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

2 Kɔrint 2:4

Mə â tɔ̀ɔ bə màʼlə key tə̀ ghaa n fə̀ŋ i baŋa zə, mə â ndzəmə fəələnu n fə̀ŋ, mə n tɔ̀ɔ tənə n sə̂ mə idey mə. Mə â tɔ̀ɔ dzə way ni ghəŋə nə̀ ghaa keeli kəfəmmə. Mə â ləghə ni dii tə̀ ghaa nə̀ n ngii ləghənu ghaa.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

2 Tesalonika 1:11

À wən loʼ ghə i tii zə ghey gɔŋŋənə tə̀ ghaa nəŋə tədzəm. Ghey gɔŋŋə nə̀ muu i ghaa zə i loʼ n jìi zey Zə̀ kə tɔŋɔnə ghaa nə̀ ghaa muu tii. Ghey gɔŋŋə soʼo nə̀ tə fuu ghaa n daʼa kə sey nə̀, ghaa loʼ ni ghəŋə ghəə a dzuŋu ghey tə ləghənə nə̀ ghaa ghəŋə, ni ndow soʼo n sə kə ni fwaʼa fwaʼ key kə kpiilənə nghee i loʼ nə̀ ghaa khə bəghəm i fə̀ŋ n kow Klisto.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

2 Timoti 1:4

Abə n moʼlə bənə nghee wə â deynə tii n nəŋə zey saa â sàli nuu tsunə, fə̀ŋ n baŋa mə ni koʼ wɔ, sey nə̀, mə i loʼ ni keeli iduʼlə naʼ idzəm.

Hibru 12:17

Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.