Malakus 9:20 - Kaa n Kəzə̀ n fəghə mə

²⁰ Ghə n ney bə wi n səə Yeso. Nghee tə̀ zay kə bwu key koʼ tsunə Yeso, kə n mbvuŋŋə maʼa bə waa wey aghəd, tə n bəŋŋə kaabə tsə, tsəbə tə n shiəə n dzuu i wi.

Malakus 9:20 ပူးပေါင်းရင်းမြစ်များ

Malakus 1:26

Sey, zay kə bwu key n mbvuŋə maʼa bə wù wey aghəd, nuu shi bə n kow wi n bɔŋ kə idey kə.

Malakus 9:18

Nəŋə zey zay kə bwu key kwu tsunə wi, kə n mbvuŋə maʼa bə wi aghəd, tsəbə tə n kaʼ ni shi n dzuu i wi, tə n fəə asɔŋ, wû u wi wə tə̀ghə̀ doʼo kɔʼ. Mə u dza tsunə tə̀ ngəd tə tə̀ nə̀ ghə dzùm shi zay kə bwu key, ghə u dəm kìi tsunə.”

Malakus 9:19

Yeso n dza ndòw tə̀ ghə nə̀, “Ghaa sey laʼa bəghəm i fə̀ŋ nə̀ a loʼ kee? Mə i kow fə̀ŋ ghi ghaa n ndow kuum ghee? Mə î boʼo doʼlə ghi ghaa ni ndòw kùm zeeli? Ney bə na waa tii fa.”

Malakus 9:21

Yeso n bəb ndòw tə̀ bày waa wey nə̀, “Ghəə a tii ghə â kaʼ zeeli?” Bày waa tii n dza nə̀, “Ghəə tii ghə â kaʼ nə̀ tə nam təbənu.”

Malakus 9:26

Zay key n buʼ shi kɔʼ kəbɔŋ, mbvuŋŋə maʼa bə waa wey aghəd, daŋŋə bə tsəghə shi n kow wi. Waa wey n nyə̀ŋ tə̀ tə kpu doʼonu. Ghə̂ ghə n kaʼ ni dza nə̀, “Tə n kpu!”

Lukas 4:35

Yeso n kii naʼa ndòw wi dza, “Doʼo mɔŋ, wə bə tsəghə shi.” Sey vəətsəə a tii ghə n ney maʼa bə wù wey aghəd, nuu shi bə nə̀ a ka wi nyəmmə.

Lukas 8:29

Tə â dza sey təŋkey Yeso ma tsəʼlə laŋ kə nə zay u bwu wey nuu shi kow wi. Ndəmə tənəŋə, zay u bwû u tii wə â bəghə wə n ney nuu ndòw wi, abə ghə kùm naŋa tsu kə wi nə tətsaʼ; ni kpii nsə ni fuu, tə n nam tiillə maʼa istu, vəətsəə a tii ghə n ney shi ndòw wi n mbvən ə ntsaŋ.

Lukas 9:39

Zay kə bwu kə kwɔɔ tsu wi, tə n buʼ shi kɔʼ kəbɔ̂ŋ, bwùkə n kwu daŋŋə bə wi, tsəbə tə n kaʼ ni shi n dzuu i wi, kə n ndzəmə kəghəmətsu wi, kə zaŋə zəghə way wi.

Lukas 9:42

Nghee waa wey kəŋə ndòw nə n səə Yeso, zay kə bwu key n ney maʼa bə wi aghəd nə kəbù, Yeso n kii ndòw Zay kə bwû key, baŋŋə tsu waa tii, waa wey n daŋŋə taw i kɔʼ, tə n ney fu dzəŋŋə ndòw wi tə̀ bày wi.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.