Malakus 9:19 - Kaa n Kəzə̀ n fəghə mə

¹⁹ Yeso n dza ndòw tə̀ ghə nə̀, “Ghaa sey laʼa bəghəm i fə̀ŋ nə̀ a loʼ kee? Mə i kow fə̀ŋ ghi ghaa n ndow kuum ghee? Mə î boʼo doʼlə ghi ghaa ni ndòw kùm zeeli? Ney bə na waa tii fa.”

Malakus 9:19 ပူးပေါင်းရင်းမြစ်များ

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Malakus 16:14

Yeso n baa bə dii bə uwû tə̀ ngəd tə wi tey ighəm n ghii zə imɔʼ, nə̀ ghə zəənu. Tə n kpaa ndòw ghə bòʼ nə̀, ghə â khə way bəghəm i fə̀ŋ zə nsə nə̀ ghə â way ni bəghəm fu tə̀ ghə̂ ghey ghə â koʼnə wi nə̀ tə n zhəm dzəŋŋə nə ivə.

Malakus 9:18

Nəŋə zey zay kə bwu key kwu tsunə wi, kə n mbvuŋə maʼa bə wi aghəd, tsəbə tə n kaʼ ni shi n dzuu i wi, tə n fəə asɔŋ, wû u wi wə tə̀ghə̀ doʼo kɔʼ. Mə u dza tsunə tə̀ ngəd tə tə̀ nə̀ ghə dzùm shi zay kə bwu key, ghə u dəm kìi tsunə.”

Malakus 9:20

Ghə n ney bə wi n səə Yeso. Nghee tə̀ zay kə bwu key koʼ tsunə Yeso, kə n mbvuŋŋə maʼa bə waa wey aghəd, tə n bəŋŋə kaabə tsə, tsəbə tə n shiəə n dzuu i wi.

Lukas 24:25

Yeso sey dzanu tə̀ ghə nə̀, “Ghə̂ a laʼlə! I sa tsəghəshiə ghaa ni keeli fə̀ŋ ni bəghəm ghəə ghey tûm tə Kəzə̀ tə â tɔ̀ɔ naŋanə ə?

Lukas 9:41

Yeso n dza, “Ghaa ghən n num tən maŋ loʼ ghə̂ a laʼa bəghəm i fə̀ŋ zə, ghaa khə kə ghəə a bəbə ghə, mə i boʼo mûulə tənum tə siʼi ghi ghaa ni koʼo zeeli ghəə ghən ə? Mbwɔ, ney bə waa wə fa.”

Tùm i dzuŋu zə kuum Yeso Klisto tə Jɔn â tɔɔnə 12:27

Yeso n ndow n sə kə ni dza nə̀, “Fə̀ŋ nya ngii bàŋa mə. N kəm loʼ ni dza nə̀ ngee? N sə loʼ ni dza nə̀, ‘Bày, bəghəshi mə n nəŋə zən ə?’ Ngaŋ! N way ni dza sey, n təŋkey, a wey loʼ zuŋ key mə â bənə fa n mbi, nə̀ n bə fəghə n nəŋə i zən.

Tùm i dzuŋu zə kuum Yeso Klisto tə Jɔn â tɔɔnə 20:27

Tə n daŋŋə dza tə̀ Tɔmɔs nə̀, “Koʼo wɔɔ ghuŋ ghə, gaʼ bə waa kəwɔɔ wə fa. Naalə shi bə wɔɔ kə kə̀, wə mɔm bə teybow zuŋ. Ka i səmə, keeli tsu bəghəm i fə̀ŋ zə.”