Malakus 8:38 - Kaa n Kəzə̀ n fəghə mə

³⁸ Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Malakus 8:38 ပူးပေါင်းရင်းမြစ်များ

Matyo 12:39

Yeso n kee beeli ndòw ghə nə̀, “Bəbə bəbə tə aghə̂ nsə ghə nəb ityim a num tə tən, ghə bəbə bə tsəə tə̀ mə, mə i tsəm dii way ghaa n tsəə i loʼ zə, a may kə tsəə zey zə â shinə tə̀ wù tûm Kəzə̀ Jona.

Matyo 13:41

Waa wù sɔŋtsuʼ nə tûm bə tsətəndəghə tə Kəzə̀ tə wi, ghə nə bə say nuu shi bə ghə̂ ghey ghə ghəŋŋə nə̀ ghə̂ ghə i naŋŋə way laŋ u wi wə nsə ghə̂ ghey ghə ghəŋŋə ghəə a bəbə ghə n fɔ̀ɔ u wi,

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 16:4

Ghə̂ a bəbə ghə nsə ghə nəb ityim a num tə tən, ghaa bəbə bə ghə i faalə zə tə̀ mə! Ghə i faalə i loʼ i kəm way dzə tə̀ ghaa tsəghəshiə way ghə i faalə zey zə â shinə tə̀ Jona.” Ambə tə dza tsu sey, tə n daŋŋə zəghə tsu ghə, nuu i ndòw.

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Matyo 8:20

Yeso n dza ndòw tə̀ wi nə̀, “Kəŋ u khə ghə n bùʼ wə ni tyi nyì doʼo tii, nnən mə idəŋ mə a khənə ghə n ndaw tə, Waa weynum kee khə way luʼu kə ni doʼo zayyə.”

Malakus 13:26

Ghə̂ ghə i daŋŋə koʼ Waa Wù sɔŋtsuʼ tə bəghənə nə təmbaʼ n daʼa kə nsə ghaʼ zə.

Malakus 14:62

Yeso n dza tə̀ wi nə̀, “Ow, à loʼ mə. Ghaa î koʼo Waa Wù sɔŋtsuʼ tə doʼnə n kpii u Bày Zaamə Mbi u təmə wə, nghee tə bəghənə nə təmbaʼ.”

Malakus 8:37

Wù loʼ ni fuu ndzoʼo fə kə ghaa kə ni kùm nuu shi muu i wi ə?

Lukas 19:26

Sey, mûkəbii wey n dza ndow tə ghə nə̀, ‘Keeli tsu na nə wù wey tə khə fə kə, ghə i fu kuulə wi n ndəmə ufə, abə wù wey tə khə way fə kə, ghə i ney nuu daŋŋə nyanyi fey tə khə.

Lukas 9:26

Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:51

Tə n kəm dza ndòw tə̀ wi nə̀, “N dza bə isəŋə tə̀ ghaa nə̀, ghaa i koʼo bikighow kə chi shi ndownə, tsətəndəghə tə Kəzə̀ tə i kɔʼɔ, tsuu n kow Waa Weynum.”

Tùm i dzuŋu zə kuum Yeso Klisto tə Jɔn â tɔɔnə 12:34

Nɔɔ kə aghə̂ key n beeli ndow wi nə̀, “Laŋ kə ghey kə dza nə̀, Klisto nə kpu koʼ way tə̀ mbi nə bə may. A kee loʼ kee wə sə dzanə tə̀ ghey nə̀ ghə khə ni kɔʼlə kɔʼ dzə Waa wù sɔŋtsuʼ n zat kə fəkaʼ ə? Waa wù sɔŋtsuʼ wən wə baa dzanə fa, loʼ u ghaa wə ə?”

Tùm i dzuŋu zə kuum Yeso Klisto tə Jɔn â tɔɔnə 5:27

Tə n fu daʼa kə saʼa kə tə̀ Waa, n təŋkey, tə loʼ Waa wù sɔŋtsuʼ.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

1 Tesalonika 2:19

À loʼ ghaa, ghaa i ghəŋŋənə nə̀ ghey i ndzəmə ləmmə, ghey i duʼlə, à loʼ soʼo ghaa naamə kə ghey kə. À loʼ ghaa, ghaa i ghəŋŋənə nə̀ ghey i ghaŋŋə wû zə sə kə Mûkəbii saa Yeso abə tə i bə dzəŋŋənə. Abə à way ghaa, à kəm loʼ kee ghey loʼ ni ghaŋŋə iwû tii ə?

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 13:13

Sey, saa ndow n səə wi a bii n mbàa inaʼ, saa ndow boʼo soʼo tow kə dədlə kə tə̀ tə â boʼonə.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Jɔn 2:23

Wù wey tə tuu maʼanə waa, sey tuu maʼa soʼo Bày. Wù wən tə bəghəm naŋanə waa sey bəghəm naŋa soʼonu Bày.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.