Malakus 7:28 - Kaa n Kəzə̀ n fəghə mə

²⁸ Nnyə tii n beeli ndòw wi dza nə̀, “Mûkəbii, n dza bvə tə ngəŋŋə kûmmə zəə bə sadla mey n tsɔʼlənə n wɔɔ kə aghinətəghə ə?”

Malakus 7:28 ပူးပေါင်းရင်းမြစ်များ

Matyo 15:27

Nyiə wey n beeli ndow wi nə̀, “À loʼ isəŋə a Mûkəbii, bvə tə nam loʼnu ni kummə zə̂ səghə tə ufəzəə tey tə tsɔʼlənə aghəd abə Mûkəbii ə ghə zə̂ənə.”

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Malakus 7:27

Yeso n fəd dza ndòw tə̀ wi nə̀, “Ghə dza tsə nə̀ ghə fuu tsə aghinətəghə n fəzəə wə isə̂, n tənkey, i dzɔbə way ni ney fəzəə u ghə, wə̀ fuu ndòw tə̀ bvə tə.”

Malakus 7:29

Sey Yeso n dza ndòw tə̀ wi nə̀, “Nghee wə beeli kɔʼnə sey, ndòw dzəŋŋə n ndaw zə, zay kə bwu key n nuu shi n kow waa wə.”

Roma 10:12

I loʼ sey n təŋkey, Zə̀ kə bəghəshiə aghə̂ adzəm. Zə̀ kə ney way n taŋ nə̀ wə loʼ wù Juu nkee wù wən tə way wù Juu. À loʼ Mûkəbii u mɔʼɔ wə tə loʼnə Mûkəbii tə ghə̂ ghə adzəm, tə buu soʼo n wɔɔ kə ni fuu tə ghə̂ ghey adzəm ghə nɔɔ ndownə tə wi.

Roma 3:29

Ghaa moʼo nə̀ Zə̀ kə kad loʼ kə Zə̀ kə ghə̂ a Təjuu, kee way Zə̀ kə ghə̂ ghey ghə way ghə̂ a Təjuu ghə ə? Ngaŋ! Zə̀ kə kad way kə tə̀ ghə̂ a Təjuu ghə, kə loʼ soʼo Zə̀ kə ghə̂ ghey ghə way ghə̂ a Təjuu ghə.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.