Malakus 6:6 - Kaa n Kəzə̀ n fəghə mə

⁶ Ghə i tii zə n tsəghəshi wi, n təŋkey, ghə̂ ghə inaʼ a wi ghə â khə way bəghəm i fə̀ŋ zə. Yeso n nuu tsu fu, bwey ndow naʼa tə naʼa, dii ndow aghə̂ n ghəə ghə.

Malakus 6:6 ပူးပေါင်းရင်းမြစ်များ

Matyo 4:23

Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Matyo 8:10

Ambə Yeso zow tsunə ghəə ghən, dzuu zə n ngii zum wi, tə n dza ndòw tə̀ ghə̂ ghey ghə â bəghənə n baa wi nə̀, “N kùum dza bə isəŋə tə̀ ghaa nə̀, n ka kam koʼ koʼ tsə wù tə khənə ndzoʼo bəghəm i fə̀ŋ zən n naʼ zə Izree.

Matyo 9:35

Yeso n ngəə ndòw naʼa tə nii tə tədzə̀m nsə nyaŋi n tənaʼa mən n dzəm, dii ndòw aghə̂, naʼlə ndòw soʼo tûm i dzuŋu zə kuum fɔɔ u Kəzə̀ n ndaw tə udzəŋi tə ghə̂ a Təjuu. Tə n baŋŋə ndòw soʼo aghə̂ n dzaŋa tə ghə tədzə̀m.

Malakus 1:39

Sey tə n bwey tsəghə kaabə ndòw mboʼo Galili idzəm, naʼlə ndòw tûm Kəzə̀ n ndaw tə udzəŋi tə ghə, dzùm shiə soʼo zay u bəbə wə n kôw ghə̂ ghə.

Malakus 10:1

Sey, Yeso n nuu tsu n Kapenum, ndòw n mboʼo Judeya, daŋ shi kɔʼ dzùu Jodan. Nɔɔ kə aghə̂ kə n dzəŋi bə soʼo fu n səə wi. Tə n zey ndòw ni dii ghə n ghəə ghə, tə̀ tə â ghəŋŋə tsənə.

Lukas 13:22

Yeso n tsəghə ndow kə isə tə ndownə n Yerosalem, bwey dii ndow aghəə tə ghə̂ ghə naʼa tə naʼa.

Lukas 4:31

Sey, Yeso n nuu ndòw n Kapenum n mboʼo Galili, dii aghə̂ fu n tsuʼ inaʼ u ghə.

Lukas 4:44

Yeso n tsəghə ndòw kə n sə kə, naʼlə kaabə ndòw tûm i tii zə n ndaw tə udzəŋi n mboʼo Judiya.

Tùm i dzuŋu zə kuum Yeso Klisto tə Jɔn â tɔɔnə 9:30

Wù wey n dza tə̀ ghə nə̀, “À wən ndzəm loʼ tsəghəshi kə ighəə! Ghaa dza nə̀ ghaa khə way luʼu key tə nuu bənə tii, tə u kee chinə sə̂ ghuŋ ghə nə̀ mə i koʼo luʼu tə.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.