Malakus 6:41 - Kaa n Kəzə̀ n fəghə mə

⁴¹ Sey Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, fuu tsu zɔŋŋə K-a-zə̀, boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ ghə̂ ghey. Tə n dzawwə fuu tsu soʼo tsəghə tey tə̀ ghə.

Malakus 6:41 ပူးပေါင်းရင်းမြစ်များ

Matyo 14:19

Tə n daŋŋə dza ndòw nə̀ ghə̂ ghey doʼo tsu nə ughìi. Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, buulə tsu. Tə n boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key.

Matyo 15:36

Sey tə n ney kɔʼ baa wey usəghəmbəghə nsə tsəghə tey, fuu ndòw zɔŋŋə K-a-zə̀, boʼlə fu ndòw tə̀ ngəd tə wi tə nə ghə dzawwə fu ndow, ghə n dzawwə fu ndòw tə̀ ghə̂ ghey.

Matyo 26:26

Nghee tə̀ Yeso ghi ngəd tə wi tə zə̂ənə, Yeso n ney kɔʼ baa kə nkala, gɔŋŋə tsu, bòʼ tsu, fuu ndòw tə ngəd tə wi tə, dza tə ghə nə̀, “Ney na, ghaa zə̂, a wən loʼ wû wuŋ.”

Malakus 14:22

Nghee tə ghə zə̂ənə, Yeso n ney kɔʼ kəbaa, fuu tsu zɔŋŋə K-a-zə̀, bòʼ i tsu, fuu ndòw tə̀ ngəd tə wi tə dza nə̀, “Ney na, a wən loʼ wû wuŋ.”

Malakus 6:40

Sey, ghə n doʼlə naŋa ndòw ghə nə ntuʼu. Tuʼu n loʼ mə n loʼ aghə̂ fəbɔm fəbɔm, tuʼu n loʼ mə n loʼ aghə̂ nghəm ntaa ntaa.

Malakus 6:42

Ghə adzəm n zə̂, zə̂ kow i tsu.

Malakus 7:34

Tə n laalə kɔʼ ndòw idəŋ, dəmi tsu, dza ndòw tə̀ wù tii n ghɔɔmə i ghə nə̀, “Efata”, i diinə nə̀, “Chi kɔʼ!”

Malakus 8:19

Nghee tə̀ mə â boʼlə funə baa wə utaa tə̀ ghə̂ ghə təkam tətaa, ghaa â kuumə zuŋŋə bə boʼlə mə n baa nə ukhəə usiʼi?” Ghə n dza nə̀, “Ukhəə ighəm n khəə wə ubəghə.”

Lukas 24:30

Ambə ghə doʼo tsunə ni zə̂, Yeso n ney kɔʼ kəbaa, buulə tsu, bòʼ fu tsəghə ndòw tə̀ ghə.

Lukas 9:16

Yeso n ney kɔʼ baa wey utaa n tsəghə tey təbəghə, laalə kɔʼ ndòw kədəŋ, fu ndòw zɔŋŋə K-a-zə̀ n fəzəə u tii wə, ney boʼlə i tsu, fu ndòw tə̀ tsətəndəghə tə wi tə nə ghə dzawwə fu ndòw tə̀ ghə̂ ghey.

Tùm i dzuŋu zə kuum Yeso Klisto tə Jɔn â tɔɔnə 11:41

Sey, ghə n bəŋŋə nuu kɔʼ tay i tii zə. Yeso n laalə kɔʼ ndow idəŋ, gɔŋŋə tsu nə̀, “Bày, n fu zɔŋŋə kə nə̀ wə n mə zow.

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 6:11

Yeso n daŋŋə ney kɔʼ kəbaa, fuu ndòw zɔŋɔ K-a-zə̀, dzaw fu ndòw tə̀ ghə̂ ghey ghə â doʼnə fu. Tə n ghəŋə tsu soʼo ighələ ghi tsəghə tey, ghə̂ ghən adzəm n keeli ufəzəə ndəm tə ghə ləghənə.

Tùm i dzuŋu zə kuum Yeso Klisto tə Jɔn â tɔɔnə 6:23

Fən u loʼ wə, wə â nuu bə n Tiberia n ndow bə fu n nguŋ inyi n səə luʼu key Mûkəbii â buulənə fəzəə wə tii, fuu tə nɔɔ kə aghə̂ kə, ghə n zə̂.

Kəfwaʼ 27:35

Ambə Pɔl dza may tsu ghəə ghən, tə n ney kɔʼ kəbaa, gɔŋŋə ndow tə Zə̀ kə n sə kə ghə̂ ghey adzəm, bòʼ tsu, zey ndow nə̀ u zəə wə.

Roma 14:6

Wù wey tə sày naŋa kɔʼnə tsuʼ fə loʼ fə nə̀ a loʼ tsuʼ fə səŋi fə tə̀ wi, tə sey ghəŋŋə kə ni fuu kɔʼləmə tə Zə̀ kə. Wù wey tə zə̂ənə fə wə udzəm, ngəŋŋə fuu kə nkɔʼlə tə Mûkəbii n təŋkey tə zə̂ə sey, tə n fuu kəzɔŋŋə tə̀ Zə̀ kə. Wù wey tə sày zə̂ənə fə wə, tə sey ghəŋŋə soʼo ni fuu ingɔɔmə tə Mûkəbii, tə u fuu soʼonə zɔŋŋə kə tə̀ Zə̀ kə n fə wey tə zə̂ənə.

1 Kɔrint 10:31

Sey, nə̀ wə zə̂ənu nkee wə məənu, nkee ghə i ghaa zə wə ghəŋŋənə, i ghəŋŋə ndow ghəə ghə adzəm ni fuu nkɔʼlə tə̀ Zə̀ kə.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.