Malakus 5:7 - Kaa n Kəzə̀ n fəghə mə

⁷ Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Malakus 5:7 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 26:63

Yeso n zow kə mɔŋ. Fɔɔngili u nii nii wə n dza kpiʼi tsu tə̀ wi nə̀, “N bəbə bə tə wɔ n zəd i Zə̀ kən kə loʼnə utaw nə̀ wə̀ dza bə tə̀ ghey nə̀, wə̀ loʼ Klisto Waa Kəzə̀ ə?”

Matyo 4:3

Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 1:24

“Wə fa bə ni bə ji ngee ghi ghey a Yeso ə Nazaled? Wə n bə ni bə ləŋi maʼa ghey ə? N khənu wù wey wə̀ loʼnə ghii wə, wə loʼ Wù Kəzə̀ u Zow wə.”

Malakus 14:61

Yeso n zow kə mɔŋ ka beeli wi. Fɔɔngili u nii nii wey n bəb kpiʼi ndòw tə̀ wi nə̀, “Wə loʼ wù wey Zə̀ kə â dza naŋa nə̀ i tûm bənu tɔŋŋə Waa Zə̀ kən kə khənə kɔʼlə mə ə?”

Malakus 3:11

Nəŋə tədzəm abə zay u bəbə u koʼ tsunə wi, ghə n bwù bə aghəd, dey shi kɔʼ n dzə̀ i taw zə nə̀, “wə loʼ Waa Kəzə̀!”

Malakus 5:6

Nghee tə̀ tə koʼ ndòwnə Yeso n ghab kə, tə n nyəŋ ndòw təm ndow tənguʼ n tənə wi.

Malakus 5:8

Tə â dza sey n təŋkey Yeso mâ dza tə̀ zay kə bwu key nə̀, “Zay kə bwu kə, shi nuu bə n kow wù wən!”

Lukas 1:32

Tə i bə doʼlə wù nii wə, ghə i tɔŋŋə wi nə̀ a loʼ Waa Zə̀ kə Idəŋ kə. Bày Zə̀ kə Mbi î fu wi n kuu kadə̀ŋ kə bày wi kə, tɔŋɔ Devid.

Lukas 4:34

“Wey yey, zəghə maʼa ghey ley! A Yeso ə Nazaled, wə bə ni bə wey maʼa ghey ə? N khənu wù wey wə loʼnə ghii wə, wə loʼ wù zow wən Zə̀ kə tûm bənə.”

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Lukas 8:28

Ambə tə koʼ tsu nə Yeso, tə n buʼ shi kɔʼ kəbɔŋ, bwù ndòw n tənə fuu i Yeso dza shi kɔʼ n dzə i taw zə nə̀, “Yeso waa Zə̀ kə idəŋ kə, n khə kee ghi wɔ? N buʼ kəwɔɔ tə wɔ, ka mə chɔd dzə.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Kəfwaʼ 16:17

Waa u zən wən n dzûmə kaabə tsə ghey ghi Pɔl, bwey naʼlə bə n dzə̂ i taw zə nə̀, “Ghə̂ ghən loʼ ghə̂ a kəfwaʼ a Zə̀ kə idəŋ kə. Ghə naʼlə bə tə ghaa jìi zey ghaa i keelinə bəghəshi zə tii.”

Kəfwaʼ 19:13

Ghə̂ a Təjuu a loʼ ghə, ghə â bwey dzum shiə kaabə bə zay u bəbə wə n kow ghə̂ ghə, ghə n mbɔŋ dza ghə dza i ney zəd i Mûkəbii Yeso ni dzum shi zay u bəbə wə n kow ghə̂ ghə, dza nə̀, “N dza nə̀ ghaa shi nuu n zəd i Mûkəbii Yeso wən Pɔl naʼlə kaabənə.”

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Hibru 7:1

Mekisedek â loʼ kədə̀ŋ n naʼ i Salem, tə n loʼ soʼo fɔɔngili tə Zə̀ kən kə tsəghəshinə fə wə udzəm. Nghee Abraham dzəŋŋə bənə nə̀ tə n təm zə̂ də̀ŋ wə ukaykə n tsam, Mekisedek n kpiilə bə ghi wi n jìi, buulə tsu wi.

Jems 2:19

À loʼnu ghə i dzuŋu zə nə̀ ghaa bəghəmnu nə̀ Zə̀ kə loʼ kə kəmɔʼ. Ghaa n ghəŋə dzɔb. Vəətsəə a bəghəm soʼonu nə̀ Zə̀ kə loʼ kə kəmɔʼ buʼu tsəŋə daŋŋə soʼo wi.

2 Pita 2:4

Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 12:12

Sey, ghaa ghən ghaa loʼnə idəŋ ghaa khə ni duʼlə, ghaa ghən adzəm ghaa muunə tii, khə ni duʼlə soʼo! À kee loʼ nə̀ ngoʼ i faalə i loʼ tə̀ ghə̂ ghən ghə muunə a ghəlitsə nsə ghə̂ ghən ghə muunə n nali kə dzuu, n təŋkey, vəətsəə ghə n tsu bə fu ghi bəbə bəbə kə nəghə fəə wə n təŋkey tə khənu nə̀ nəŋə i wi zə n shɔd.”