Malakus 5:35 - Kaa n Kəzə̀ n fəghə mə

³⁵ Nghee tə̀ Yeso nam ghɔɔmənə, ghə̂ a loʼ ghə n təmi bə, ghə nuu bənə n ndaw Jairus wən tə â loʼnə ngəd n ndaw kədzəŋi ə ghə̂ a Təjuu. Ghə n dza tə̀ Jairus nə̀, “Kə̂ wə nə̀ kəm fəmmənə wù dii wə, n təŋkey, waa wə wey n kpu.”

Malakus 5:35 ပူးပေါင်းရင်းမြစ်များ

Matyo 26:10

Yeso n khə moʼlə tə ghə, sey, tə n dza tə̀ ghə nə̀, “À loʼ kee ghaa fəmmənə weyzən wən ə? Tə n ghəŋə ghə i dzuŋu zə n kow mə.

Matyo 26:18

Yeso n dza ndòw tə̀ ghə nə̀, “Nyi ndòw na fey inaʼ, ghaa i koʼ tsu wù loʼ, ghaa dza ndòw tə̀ wi nə̀ ‘Wù dii dza nə̀ nəŋə zuŋ zə kpii, mə ghi ngəd tuŋ tə î zə̂ə Zə̂ kə taa zaʼa kə n ndaw zə.’”

Matyo 9:18

Nghee Yeso sə̀ nam khəə ghəə ghə, a n dza i koʼ, wù nii u loʼ wə n ndaw kədzəŋi ə ghə̂ a Təjuu n shi ndòw, nyaʼa ndòw n tənə wi, dza tə̀ wi nə̀, “Waa wuŋ u zən u sa kuʼlə kpu tsunu, kee bə mɔm tsu kə wi n tuʼ i mɔm zə, tə i taw kɔʼ.”

Malakus 10:17

Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Malakus 5:22

Wù loʼ ghə â tɔŋŋənə nə̀ a loʼ Jairus, tə â loʼnə ngəd n ndaw kədzəŋi ə ghə̂ a Təjuu n ndòw bə. Nghee tə̀ tə koʼ tsunə Yeso, tə n bwù ndòw n fuu i wi.

Lukas 8:49

Nghee tə̀ Yeso nam ghɔɔmənə, wù lòʼ n nuu bə n ndaw Jayrus wù nii wey n ndaw kədzəŋi, bə dza tə̀ wi nə̀, “Waa wey n kpu, ka wù dii kəm fəmmə soʼo.”

Tùm i dzuŋu zə kuum Yeso Klisto tə Jɔn â tɔɔnə 11:21

Nghee tə̀ Mata kpiilə ndòwnə ghi Yeso, tə n dza tə̀ wi nə̀, “Mûkəbii, abə wə̀ â loʼnə fa, waazə wuŋ mə ka kpu.

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 11:28

Ambə Mata ghɔɔmə may tsunə sey, tə n nuu dzəŋŋə i ndòw, ndòw koʼ tsu waazə ə wi, tɔŋŋə Maria, tsɔŋ dza tsu tə̀ wi nə̀, “Wù dii loʼ fa, tə ləghə ni koʼ wɔ.”

Tùm i dzuŋu zə kuum Yeso Klisto tə Jɔn â tɔɔnə 11:32

Nghee tə̀ Maria bə kùm tsunə n luʼu key Yeso loʼnə tii, koʼ ndòw wi, tə n təm ndòw tənguʼ n tənə Yeso dza tə̀ wi nə̀, “Mûkəbii, abə wə â loʼnə fa, waazə wuŋ â ka kpu dzə.”

Tùm i dzuŋu zə kuum Yeso Klisto tə Jɔn â tɔɔnə 11:39

Tə n dza nə̀, “Bəŋŋə nuu tsu na tay zey.” Mata, waazə ə wù kpu wey n dza ndow tə wi nə̀, “Mûkəbii, a nya loʼ ntsuʼu nkaykə tə̀ ghə â tsələnə wi, tə nya i ngii lə̀mə nu.”

Tùm i dzuŋu zə kuum Yeso Klisto tə Jɔn â tɔɔnə 5:25

N dza bə isəŋə tə̀ ghaa nə̀ nəŋə i bəghənu, nəŋə i tii zə n buʼ kpi. Ghə̂ a kpuu a nə̂ zow dzə̂ ə Waa Kəzə̀, a ghey ghə nə zownə, bəghəm ghə i tii zə, ghə nə keeli bə imuu.