Malakus 4:8 - Kaa n Kəzə̀ n fəghə mə

⁸ Ndzoʼ tə loʼ tə n tsɔʼlə ndòw n zub tə dzuŋu tə. Tə n nyim dzɔb kɔʼ, bɔŋ i kɔʼ, keeli tsu ndəmə asə̂ n jìi zey tə loʼ â fuu bənə sə̂ ghə nghəm ntəghə, tə loʼ tə n fuu bə nghəm ntuubə, tə loʼ tə n loʼ asə̂ fəbɔm.”

Malakus 4:8 ပူးပေါင်းရင်းမြစ်များ

Matyo 13:23

Abə tə tey tə â tsɔʼlənə n zub tə dzuŋu tə, a loʼ ghə̂ ghey ghə zow tsuu ghɔɔmə i tii zə, ghə n ndzəm zowkeeli i tsu, ghə a nyim bɔŋ dzɔb tsu buʼ a dzuŋu ghə, buʼ a loʼ ghə n fuu kɔʼɔ asə̂ fəbɔm, a loʼ ghə n fuu kɔʼ asə̂ nghəm ntuubə, a loʼ ghə nghəm ntəghə.”

Matyo 13:8

Ndzoʼ tə loʼ tə n kee tsɔʼlə bə n zub tə dzuŋu tə, tə n nyim, bɔŋ dzɔb kɔʼ. Buʼ a loʼ ghə n fuu asə̂ fəbɔm, a loʼ ghə nghəm ntuubə, a loʼ ghə nghəm ntəghə.”

Malakus 4:20

Ghə̂ a loʼ ghə a kee loʼ tə̀ a loʼ ndzoʼ tey tə â tsɔʼlə bənə n zub tə dzuŋu tə̀. À wən loʼ ghə̂ ghey ghə zow tsunə ghɔɔmə i Kəzə̀ zə, ghə n bəghəm kɔʼ n fə̀ŋ ə ghə idzəm, mə̂ bə utam. À loʼ ghə nghəm ntəghə, a loʼ ghə n nghəm ntuubə, a loʼ ghə n mə̂ bə utam fəbɔm.”

Malakus 4:7

Tə loʼ tə n tsɔʼlə bə n luʼu key dzɔŋɔmgbay u loʼnə tii. Ambə tə shi kɔʼ bənə, nyiəmə, kaakaa wə n nyiəmə soʼo, nyim tsami maʼa kɔʼ ndzoʼ tə tii tə, sey ndzoʼ tə tii tə n ka bɔŋ.

Malakus 4:9

Sey Yeso n dza tə̀ ghə nə̀, “wù wey tə khənə tuŋu wə, tə zow.”

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Lukas 8:8

Ndzoʼ tə loʼ tə n tsɔʼlə bə n zub tə dzuŋu tə, tə n nyim i kɔʼ, bɔŋ dzɔb kɔʼ nə ukaʼ, sə̂ ghə asaŋ ghə n loʼ fəbɔm, fəbɔm nə ikey.” Ambə Yeso ghɔɔmə may tsunə, tə n dza shi kɔʼnə, “Wù wey tə khənə tuŋŋə wə, tə zow.”

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 17:11

Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

Efesus 2:21

À loʼ wi tə kwu keelinə ndaw tii, ghəŋŋə nə̀ zə i nyîmmə kɔʼɔ tə̀ a loʼ dzəŋi kə dzûmə tə Klisto kə zow kə ghə səd naŋanə ni ngɔɔmə Mûkəbii.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.