Malakus 4:6 - Kaa n Kəzə̀ n fəghə mə

⁶ Ambə tsə shi bənə, zə n fɔbi maʼa kɔʼ ndzoʼ tə tii tə, tə n zum kɔʼ, n təŋkey, tə â khə way ghaŋ tə.

Malakus 4:6 ပူးပေါင်းရင်းမြစ်များ

Matyo 13:6

Ambə tsə̀ shi kɔʼ bənə, zə n zuʼ maʼa kɔʼ. Nghee tə̀ zub tə â basə way fu n luʼu kə atay kə tii kə tə̀ ghaŋ tə ni nyi tsu tii, key a tii ghə zum nuu kɔʼ.

Malakus 4:5

Tə loʼ tə n tsɔʼlə bə n luʼu kə atay, nə̀ zub tə basə way fu. Tə n luumə fòw i kɔʼ n təŋkey zub tə â basə way fu.

Malakus 4:7

Tə loʼ tə n tsɔʼlə bə n luʼu key dzɔŋɔmgbay u loʼnə tii. Ambə tə shi kɔʼ bənə, nyiəmə, kaakaa wə n nyiəmə soʼo, nyim tsami maʼa kɔʼ ndzoʼ tə tii tə, sey ndzoʼ tə tii tə n ka bɔŋ.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Kolose 2:7

Ghaŋ tə ghaa tə khə ni nyi taw tsu n kow wi, ghaa bəghə kɔʼ bə muu i ghaa n kow wi, sey, bəghəm i fə̀ŋ i ghaa zə i nyîmmə nə isəŋə zən ghə â diinə tə ghaa, ghaa i fuu soʼo zɔŋŋə kə tə Zə̀ kə naʼ idzəm.

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

Jems 1:11

I loʼ nə̀, abə tsə shi kɔʼ bənə, zuʼ kə tsə kə tii kə ngii taw tsunə, kə n zuʼ maʼa kɔʼ ughìi. Bəllə wə ughìi u tii wə n gɔy zum nuu kɔʼ, wə n kəmə nyiəllə soʼo way. A loʼ soʼo ighələ ghi ghə̂ ghey ghə kuum nə̀, və i ney nuulə ghə nə̀ ghə zow kaabə kə ghəə ghə ukhəə a ghə.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.

Chi dii 7:16

Dzəŋ nə kəm zab koʼ way ghə, fə̀ŋ ə mmuu nə kəm zuʼlə koʼ soʼo way ghə. Tsə̂ nə kəm zuʼ koʼ way ghə, zuʼ kə num kə nə kəm fɔɔ koʼ soʼo way ghə,