Malakus 4:17 - Kaa n Kəzə̀ n fəghə mə

¹⁷ Ghɔɔmə i tii zə n ka kee təmi taw dzə n fə̀ŋ tə ghə, n təŋkey i khə way ghaŋ tə. Ambə chɔd u bənə tii bòʼ ghɔɔmə i Kəzə̀, ghə n daŋŋə bwùlə doʼo i ndòw.

Malakus 4:17 ပူးပေါင်းရင်းမြစ်များ

Matyo 11:6

Ndzuŋ loʼ tə̀ wù wey tə səmə way bòʼ mə̀.”

Matyo 12:31

Sey, n dza bə tə̀ ghaa nə̀, Zə̀ kə î neyzəənu ghəə a bəbə ghey adzəm ghə̂ a ghəŋŋənə nsə a ghey ghə dzanə n kow wi, tə way ni kee neyzəə koʼ wù wey tə tsayyənə Zay kə Zow kə.

Matyo 13:21

ghə n ka ngii taw tii, ghə n dzə kòw tsu kə fə̀ŋ fənyaŋi, ambə ghəə a dza i bə taw tsu kə n kow ghə, nkee ghə chɔdlɔnə ghə bòʼ ghəə zey ghə bəghəm, ghə n kəm ghaʼi tyi zəghə i tsu.

Malakus 4:16

Ghə̂ a loʼ ghə a loʼ tə̀ a loʼ ndzoʼ tey tə â tsɔʼlə bənə n luʼu kə atay. Abə ghə zow tsunə ghɔɔmə i Kəzə̀ zə, ghə n daŋŋə bəghəm kɔʼ n fəŋ i dzuŋu zə.

Malakus 4:18

Ghə̂ a loʼ ghə a loʼ tə̀ a loʼ ndzoʼ tey tə â tsɔʼlə bənə nə udzɔŋɔmgbay. À wən loʼ ghə̂ ghey ghə zow tsunə ghɔɔmə i Kəzə̀ zə,

Lukas 12:10

Wù wey tə ghɔɔmə bəəbənə ghəə ghə n kow Waa wù sɔŋtsuʼ, Zə̀ kə i loʼnu ni neyzəə wi, wù wey tə kee ghɔɔmə bəəbənə ghəə ghə n kow Zay kə Zow kə, Zə̀ kə i neyzəə way wi.

Tùm i dzuŋu zə kuum Yeso Klisto tə Jɔn â tɔɔnə 8:31

Sey, Yeso n dza ndòw tə̀ ghə̂ a Təjuu ghey ghə â bəghəmnə tə̀ wi nə̀, “Abə ghaa bɔɔmə bwey ndòwnə n jii zən n diinə, ghaa î ndzəm loʼ ngəd tuŋ tə.

Galeshia 6:12

Ghə̂ ghey ghə dza nə̀ ghaa səghə tyi u ghaa, loʼ ghə̂ ghey ghə ləghə kə ni dii uwû nə ghə tɔʼɔ fwaʼa fwaʼ K-a-zə̀. Zuŋ kə ighəə key ghə ghəŋŋənə ghəə ghən loʼ nə̀, ghə tsəŋə nə̀ kə ghə̂ a nə chɔdlɔnə ghə, nə ghə naʼlə tûm nə Klisto â kpu n zat kə fəkaʼ ni bəghəshi aghə̂.

2 Timoti 1:15

Wə khənu nə̀ aghə̂ adzəm n mboʼo Eshya n tyi zəghə mə. Fijelus ghi Hemojenis u tyi zəghə daŋŋə soʼonə mə.

2 Timoti 4:10

n təŋkey, Demas n keeli ləghə zə n fə u mbi, tə u zəghə maʼa tsu mə, nuu ndow n Tesalonika. Kresens mâ nuu ndow n Galeshya, Taytus n nuu ndow soʼo n Damashia.

2 Timoti 4:16

N nəŋə i sə̂ isə zey ghə â ney ndow mə n tay i saʼ, wu umɔʼ ka tsəm bə taʼ dzə ghi mə, ghə adzəm n fəd tûmmə naŋa mə. N gɔŋŋə nə̀ Zə̀ kə neyzəə ghəə a ghə a bəbə ghə.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.