27 Kuum kuum, wù way dzə ni nyi ndòw n ndaw wù kədaʼa, tə boʼo nuu fə u wi nə̀ tə ka wi buʼ kwu kow naŋa dzə. Sey tə i loʼ ni kûmmə nuu ufə n ndaw wi.
Wù way dzə ni khəm nyi n ndaw wù wey tə khənə daʼa kə, tə ndzəm boʼo nuu fə̂ u wi, nə̀ tə ka wi kwu kow naŋa tsu dzə nə ubaʼ.
Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.
Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.
À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.
Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.
Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.
Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.