Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Malakus 2:20 - Kaa n Kəzə̀ n fəghə mə

20 Nəŋə i bəghənu, tə î nuulənə, tə naŋa sə tsu ghə, ghə i bam idzuu n nəŋə i tii zə.

အခန်းကိုကြည့်ပါ။ ကော်ပီ




Malakus 2:20
29 ပူးပေါင်းရင်းမြစ်များ  

Nghee Yeso ghi ngəd tə wi tə ndow kuum tsunə fu, Yeso n dza ndòw tə̀ ghə nə̀, “Na, n tsuʼu tə, ghaa adzəm, ghaa î tyi naŋŋə tsu taʼa tsuu mə n nəŋə mə, bòʼ nə̀, màʼlə K-a-zə̀ kə dza nə̀, ‘Zə̀ kə î wey tsu wù keyyə u tənjì wə, njì tə tii tə i tyi saŋŋə tsu.’


Yeso n dza tə̀ ghə nə̀, ghaa moʼlə nə̀ fə̂ a num weyzən a loʼnu ni mow n zə̂ kə ney zə iwû loʼ sey nə̀ num weyzən ə tii loʼ fu ghi ghə ə? Ghaa khənu nə̀ i way ni doʼo koʼ sey! Nəŋə i nə kee bəghənu ghə nə ney nuu kɔʼɔ num weyzən n wɔ ghə, ghə nə bam ndow dzuu zə n nəŋə i tii zə.


Yeso n beeli ndòw ghə dza nə̀, “fə̂ a num weyzən a loʼnu ni bam idzuu nə̀ tə loʼ dzəŋi ghi ghə ə? Ngaŋ! Ghə way dzə ni bam idzuu nə̀ tə loʼ ghi ghə.


Wù way dzə ni ney bad kə ndzə kə fəghə kə, tə taŋi fìi kəbùʼ n ndzə tə wey tə. Abə tə ghəŋənə sey, bad kə ndzə kə fəghə key, i ballə shi bə, buʼ kə tii kə i faalə dow tsu.


Sey tə n dza ndòw tə dzûmə tə wi tə nə̀, “Nəŋə i bəghənu ghaa nə mbuŋənə ni koʼ fətsuʼ n tsuʼu n Waa wù sɔŋtsuʼ ghaa nə way ni ndɔm koʼ wi.”


Nəŋə i nə̀ bəghənu, ghə nə ney nuulənə nùm weyzən n wɔ ghə, sey, ghə nə bam idzuu n nəŋə i tii zə.”


Ghaa nə̂ laʼ koʼ way ghə̂ a laa ghə n fəŋŋə kə ghaa, abə mə, n nə kee way dzə ghi ghaa nəŋə tədzəm.”


Waa ghuŋ ghə, n kəm ngii khə way nəŋə zə ni doʼo fa ghi ghaa. Ghaa i kəŋə mə, kəŋə kii. N nam dza bə tə̀ ghaa ghə i mɔʼɔ zey mə â dzanə tə̀ ngəd tə Təjuu tə nə̀, ‘Luʼu key n ndownə tii, ghaa way ni bə fu.’


Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”


N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.


N nya zəghə taʼa tsuu ghə fa n mbi, mə n nuulə bə n səə wɔ. Bày wuŋ u zow wə, tsəd naŋa tsu ghə n daʼa key kə loʼnə n zəd zə, zəd zey wə â fuunə tə̀ mə, tə ghə doʼo nə kəfə kəmɔʼ ighələ tə̀ n loʼnə ghi wɔ nə kəfə kəmɔʼ.


Yeso n ndow kə n gɔŋŋə zə, dza nə̀, “Bày, n nya tey n ji n bəghənə n səə wɔ. N ghəə ghən kee ghɔɔmə nə̀ n nam loʼ fa n mbi, sey nə̀, ngəd tuŋ tə loʼ ni keeli soʼo ndzoʼo duʼlə zən n khənə n fə̀ŋ tə ghə.


Wù wey tə baa khənə weyzən n zə̂ kə ney zə iwû zə, loʼ num weyzən, fə̂ a num weyzən ə tii maŋa zəllə kə ni zow dzə̀ ə wi, ghə n duʼlə. À wey loʼ ndzoʼo ghəə zey i ghəŋŋə nə̀ mə i ngii khə duʼlə zə n fə̀ŋ zuŋ.


Ambə tə ghɔɔmə may tsunə ghəə ghən, Zə̀ kə n ney nuu kɔʼ ndow wi idəŋ, ghə n tey fu laalə nghee tə kɔʼɔ ndownə tii. Tə n kɔʼ kə sa, saŋ nuu nyi ndow nə təmbaʼ.


Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.


Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.


Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.


N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.


Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.


Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.


Bə na tə saa saŋŋə, saa duʼlə ni fuu n nkɔʼlə tə wi! Təŋkey tsuʼ fə Waa Nji fə n kpi ni ney wey wi, wey wi n bayyə naŋa tən soʼo wû u wi wə.


Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ