Malakus 16:20 - Kaa n Kəzə̀ n fəghə mə

²⁰ Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Malakus 16:20 ပူးပေါင်းရင်းမြစ်များ

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Lukas 1:1

Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 4:30

Dii bə daʼa kə kə̀ sey nə̀ ghey i loʼ ni baŋŋə ghə̂ ghə, ghey i ghəŋə ghəə a faalə ghə n zəd i Yeso, wù kəfwaʼ wə u zow wə.”

Kəfwaʼ 5:12

Ngəd tə Yeso tə â ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂. Dzûmə tə Yeso tədzəm tə n təmə dzəŋi tsə n zeeli kə Solomun.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.