Malakus 15:43 - Kaa n Kəzə̀ n fəghə mə

⁴³ Yosef, wù Alimatia n ndòw bə. Tə â loʼ wù nii n ndaw tsə, tə n ləmmə tənə bə i fɔɔ u Kəzə̀. Tə n kow tsu fə̀ŋ ndòw bəb ndòw vən i Yeso n wɔ Pilato.

Malakus 15:43 ပူးပေါင်းရင်းမြစ်များ

Matyo 19:30

À kee loʼ nə̀, ndəmə ghə̂ ghey ghə loʼnə sə kə nya nə̂ bə doʼlə ibam, aghey ghə doʼo guŋŋənə nya, ghə nə̂ bə doʼo ghə̂ a kəsə̂.”

Matyo 20:16

Sey, Yeso n guŋ kɔʼ nə̀, “Wù wey tə bə guŋŋənə î doʼlə wù kəsə̂, wù wey tə bənə sə kə i bə doʼlə wù ibam.”

Matyo 27:57

Ambə n nəŋə i fənə tə, wù kûm u loʼ wə, zəd i wi zə â loʼ nə̀ à loʼ Yosef n naʼ i Alimatia, tə â loʼ soʼo dzûmə ə Yeso n ndòw bə.

Malakus 14:54

Pita n dzûmə bə nə kədaa, nyi daŋŋə ndòw n bii kə fɔɔngili u nii nii wə. Tə n doʼo tsu fu ghi ghə̂ a keyyə ghə, zɔy uvəllə.

Malakus 15:44

Dzuu zə n zum Pilato nghee tə zow tsunə nə̀ Yeso n ghaʼi kpu. Tə n tɔŋɔ tsu sawgoʼ zey zə â loʼnə tow kə fu ni bəb zow nə̀ ghab kə n shi nghee tə̀ Yeso mə kpunə.

Lukas 2:25

Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii.

Lukas 2:38

Nghee tə Maria ghi Yosef loʼnə fu ghi waa, Anna n bɔɔmə bə soʼo n nəŋə i tii zə, bə kaʼ ni fuu ukali tə̀ Zə̀ kə, khəə soʼo aghəə kùm Yeso tə̀ ghə̂ ghey adzəm ghə â ləmmənə bəghəshi ə Yerosalem.

Lukas 23:50

Wù loʼ â loʼnu ghə â tɔŋŋənə wi nə a loʼ Yosef, tə â shi n Alimatia n naʼ i Judeya. Tə â loʼ wù u dzuŋu wə, loʼ tsətsəghə n muu i wi, tə â loʼ soʼo n ndaw tsə a Təjuu

Lukas 23:51

tə â kee khə way wɔɔ kə n tsəm zey ghə̂ a Təjuu ghə â sətnə kûm Yeso, tə n ləmmə fɔɔ u Kəzə̀.

Tùm i dzuŋu zə kuum Yeso Klisto tə Jɔn â tɔɔnə 19:38

Ambə ghəə ghən tsəghə tsunə, Yosef wù Alimatia â loʼ soʼo dzûmə ə Yeso, à kee loʼ nə̀, tə â dii shiə bə dzə way wû u wi wə, n təŋkey, tə â tsəŋə ngəd tə Təjuu. Tə n ndow nɔɔ ndow tə Pilato nə̀ tə fuu wi n daʼa kə tə̀ tə ndow boʼo nuu vən i Yeso. Pilato n bəghəm nə̀ tə ndow boʼo nuu. Tə n daŋŋə bə boʼo nuu ndow vən i tii zə.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 17:12

Ndəmə ghə̂ a Təjuu ghə n bəghəm, ighələ tə gheyzən a nii ghən nsə gheynum ghən ghə â way ghə̂ a Təjuu ghə â bəghəm soʼonə.

Filipi 1:14

Doʼo zuŋ n ndaw tsaʼ zə n ghəŋə nə̀ ndəmə ghə̂ ghən ghə bəghəm tə Yeso a keeli tsu fə̀ŋ. Ghə nya naʼlə nduŋŋə ndòw ghɔɔmə i Kəzə̀ nə̀ ghə khə way tsəŋ zə n fə̀ŋ.