Malakus 15:21 - Kaa n Kəzə̀ n fəghə mə

²¹ Nghee tə̀ ghə ndòwnə n jìi, ghə n kpiilə ndòw ghi wù loʼ zəd i wi i loʼnə nə̀ a loʼ Shimun, tə â nuu bənə n naʼ i Sirin, nyiə bə n naʼ i tii zə. Sawgoʼ tey n tənnə wi nə̀ tə boʼo zat kə fəkaʼ kə Yeso (Shimun â loʼ bày Alekzanda nsə Rufus).

Malakus 15:21 ပူးပေါင်းရင်းမြစ်များ

Matyo 27:32

Nghee tə̀ ghə nuulə shiə ndòwnə n naʼ i Yerosalem, ghə n kpiilə bə ghi wù Sirin u loʼ wə zəd i wi zə â loʼnə nə̀ a loʼ Shimun. Sawgoʼ tey n kwu tsu wi nə kədaʼa nə̀ tə boʼo zat kə fəkaʼ kə Yeso.

Matyo 5:41

Nə̀ wù kwu wɔ nə kədaʼa nə̀ wə boʼo mbəghə kə wi ghaa bwey ndòw tàm ə jii imɔʼ, kee bwey ndòw tàm tə jii tə təbəghə ghi wi.

Malakus 15:20

Ambə ghə lənnə kow tsunə wi, ghə n tsɔʼ nuu kɔʼ ndzə tə baŋa tey n kow wi, dzəŋə dzəŋŋə kɔʼ ndzə tə wi, daŋŋə ney ndòw wi ni ndòw baa n zat kə fəkaʼ.

Lukas 14:27

Wù wey tə ka bəghəm ni boʼo zat kə fəkaʼ kə wi, tə dzûmə mə n ghii kə, tə way dzə ni doʼo dzûmə wùŋ.

Lukas 23:26

Nghee tə̀ ghə ney nuulə ndòw nə Yeso, ghə n kpi tsu ghi Shimun, wû naʼ i Sirin tə nyiə bənə n Yerosalem. Ghə n kwu tsu wi nə̀ tə boʼo zat kə fəkaʼ kə Yeso, tə i ndow n baa wi.

Tùm i dzuŋu zə kuum Yeso Klisto tə Jɔn â tɔɔnə 19:17

Sawgoʼ tə n ney shi ndow Yeso nə̀ tə n boʼo keeli zat kə fəkaʼ kə wi kə, ney ndow wi n Luʼu kə kaŋ K-a-tow, ghə tɔŋŋə n ghɔɔmə i Hibru nə a loʼ Gɔgɔta.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 2:10

Ghə̂ a loʼ ghə a nuu bə n naʼ i Frigya, a loʼ ghə n Pamfilya, a loʼ ghə nə Ijip nsə n bad u Libya u loʼnə n səə Sirin. Saa a loʼ ghə u nuu bənə n naʼ i Roma.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Roma 16:13

Ghaa tɔŋɔ zow Rufus wən tə loʼ nə̀ ghə n ndzəm sày wi n fwaʼ kə Mûkəbii. Ghaa tɔŋɔ zow soʼo này wi wən tə â laalənə tə mə tə a loʼ waa wi.