Malakus 15:14 - Kaa n Kəzə̀ n fəghə mə

¹⁴ Pilato n bəb tə̀ ghə nə̀, “N kee? Tə ghəŋə ghə i bəbə i ghaa zə.” Ghə n fədlə buʼu shiə kɔʼɔ kə nbɔŋ nə̀, “Baa na wi n zat kə fəkaʼ.”

Malakus 15:14 ပူးပေါင်းရင်းမြစ်များ

Matyo 27:19

Nghee tə̀ Pilato nam doʼnə n kuu key tə doʼlənə tii ni saʼ aghə̂, wey wi n tûm bə tûm tə̀ wi nə̀, “Kə wə̀ nə ghəŋŋənə ghə i bəbə zə n kow wù wey, n təŋkey, wɔɔ a wi a zownu. Jim u mə bə mə na, n jim u tii wə, mə n ngii fəghənə bòʼ wi.”

Matyo 27:4

dza tə̀ ghə nə̀, “Mə n ghəŋə bəəbə ni fìi fuu wù nə̀ ghə wey loʼ sey nə̀ wɔɔ a wi a zownu.” Ghə n beeli ndòw wi dza nə̀, “I zey laalə way ghey, a wey loʼ chɔd wə.”

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Malakus 15:13

Ghə n dza shi kɔʼ nə̀, “Baa na wi n zat kə fəkaʼ.”

Malakus 15:15

Pilato n ləghə ni ghəŋə ghəə zey nɔɔ kə aghə̂ key ləghənə, sey, tə n chi zəghə tsu Barabas, fuu ndòw tə̀ ghə. Fuu ndòw Yeso nə̀ ghə bwɔd wi. Ambə ghə bwɔd tsunə wi, tə n daŋŋə fuu nuu ndòw wi nə̀ ghə ndòw baa wi n zat kə fəkaʼ.

Lukas 23:21

Ghə n fəd buʼu shiə kɔʼɔ nbɔŋ dza, “Baa na wi n zat kə fəkaʼ! Baa na wi n zat kə fəkaʼ!”

Lukas 23:4

Sey, Pilato n dza ndòw tə̀ ghə fɔɔngili a nii ghey nsə nɔ̀ɔ kə aghə̂ key nə̀, “N ka kòʼ dzə ghə i bəbə i loʼ zə wù wən ghəŋŋə tə n loʼ ni saʼ wi.”

Lukas 23:41

Sa fəʼlə bòʼ ghəə a saa a bəbə ghə, sey, naamə kə saa kə kpiinu. Abə wù wən, tə ka ghə i bəbə i loʼ i ghəŋə dzə.”

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Tùm i dzuŋu zə kuum Yeso Klisto tə Jɔn â tɔɔnə 18:38

Pilato n bəb tə wi nə̀, “Isəŋə loʼ kəkee?” Nghee Pilato bəb tsu sey, tə n daŋŋə nuu shi kpiʼi ndow a bii n səə ghə̂ a Təjuu ghə, dza tə̀ ghə nə̀, “N ka koʼ ghə i loʼ zə wù wən ghəŋə bəəbənə.

Tùm i dzuŋu zə kuum Yeso Klisto tə Jɔn â tɔɔnə 19:6

Ambə ghə fɔɔngili a nii ghey nsə bwoli tə ndaw Kəzə̀ tey n Yerosalem koʼ ndow Yeso, ghə n fəd keeli shi kɔʼ n dzə̂ tə taw tə nə̀, “Baa na wi n zat kə fəkaʼ! Baa na wi n zat kə fəkaʼ!” Pilato n dza tə̀ ghə nə̀, “Ney na wi ghaa ndow baa n zat kə fəkaʼ n nəŋə ghaa, n təŋkey, n ka koʼ dzə ghə i bəbə zey tə ghəŋənə.”

Kəfwaʼ 13:28

Ghə̂ a Təjuu ghən â ka koʼ dzə ghə i bəbə i loʼ zə Yeso a ghəŋŋənə ni dza nə̀ ghə wey wi. Ghə n nam tsəghə ndow kə n sə kə ni dza nə̀ Pilato ghəŋə nə̀ ghə wey wi.

Kəfwaʼ 19:34

A n kee bə nghee ghə̂ a tii a keeli tsunə nə̀ tə loʼ wù Juu, ghə n ney kɔʼɔ ndow nəŋə tə izow təbəghə nə ghə dzəŋi buʼlə kə nbɔŋ nə̀, “Atemis zə̀ kə ghə̂ a Efesus taw tsəghə uzə̀ udzəm!”

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.