Malakus 14:61 - Kaa n Kəzə̀ n fəghə mə

⁶¹ Yeso n zow kə mɔŋ ka beeli wi. Fɔɔngili u nii nii wey n bəb kpiʼi ndòw tə̀ wi nə̀, “Wə loʼ wù wey Zə̀ kə â dza naŋa nə̀ i tûm bənu tɔŋŋə Waa Zə̀ kən kə khənə kɔʼlə mə ə?”

Malakus 14:61 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 14:60

Sey Fɔɔngili u nii nii wə n təmi kɔʼ n sə̂ kə ghə, bəb ndòw tə̀ Yeso nə̀, “Wə khə way ghəə zə ni beeli n ghəə ghən ghə kuunə n tow kə ə?”

Malakus 15:2

Pilato n bəb tə̀ wi nə̀, “Wə loʼ də̀ŋ kə ghə̂ a Təjuu ə?” Yeso n dza nə̀, “I loʼ tə̀ wə dzanə.”

Tùm i dzuŋu zə kuum Yeso Klisto tə Jɔn â tɔɔnə 1:34

Jɔn n dza guŋŋə kɔʼ tə̀ ghə nə̀, “Mə n ndzəm koʼ ghəə a tii ghə, n fa ndzəmə dza bə tə ghaa nə̀, a wən loʼ Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 10:24

Ghə̂ a Təjuu ghə n zuŋŋə dzəŋ tsəghə kɔʼ wi, bəb tə̀ wi nə̀, “Wə i naŋŋə ghey nə kələm ni ndòw kùm zeeli? Abə wə̀ loʼnə nə̀ wə loʼ wù wey Zə̀ kə â dza naŋa nə̀ i tûm bənu, wə n shi bə tsətsəghə.”

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 18:37

Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Tùm i dzuŋu zə kuum Yeso Klisto tə Jɔn â tɔɔnə 19:7

Ngəd tə Təjuu tey n beeli ndow wi nə̀, “Ghey dzûmə kəlaŋ, laŋ kə tii kə dii nə̀ tə khə ni kpu, n təŋkey, tə ney naŋa kɔʼ wû u wi nə̀ i loʼ Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 19:9

Tə n nuu nyi ndow ibam nə kəbali, nyi bəb tə Yeso nə̀, “Wə baa nuu bə ghee?” Yeso n ka kee beeli wi.

Kəfwaʼ 8:32

Dəŋŋə key tə â tɔŋɔnə n màʼlə K-a-zə̀ n nəŋə i tii zə â loʼ nə̀, “Ghə a sii ndow wi tə aloʼ njì ghə dza i ndow wey, Tə n loʼ kə mɔŋ tə waa njì nə loʼnə n səə wù wey tə kɔmnə nyuŋ tə wi tə, Tə n ka tsəm jaʼ idzuu.

1 Timoti 1:11

Dii zən bəghəm dzəŋi ghi tûm i dzuŋu zən Zə̀ kə â fuu naŋa tə mə nə̀ n naʼa. À wən loʼ tûm i dzuŋu zən, i nuu bənə n wɔ Zə̀ kən kə khənə daʼa kə, ghə̂ fuunə wi n kɔʼləmə.

1 Timoti 6:15

Abə nəŋə i Kəzə̀ zə i kpii tsunə, tə i ney dzəŋŋə bə Yeso. Zə̀ kən ghə̂ a fuunə kɔʼləmə tə wi, tə ndzəm loʼnə zaamə mbi, loʼ Mûkəbii tə ghə mûkəbii adzəm, loʼ soʼo kədəŋ tə dəŋ wə udzəm.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.