Malakus 14:21 - Kaa n Kəzə̀ n fəghə mə

²¹ Waa wù sɔŋtsuʼ khə ni teeli kpu tə̀ màʼlə K-a-zə̀ kə dzanə, à kee loʼ nə̀, ngoʼ loʼ tə̀ wù wey tə i fìilə shiənə wi. À mə khə ni loʼ ghə i dzuŋu zə tə̀ wù tii, abə ghə â ka ji wi.”

Malakus 14:21 ပူးပေါင်းရင်းမြစ်များ

Matyo 26:54

A kee loʼ nə̀, abə n ghəŋə tsunə sey, ghə i way ni luulə ghəə ghey a tɔ̀ɔ doʼonə n màʼlə K-a-zə̀ nə̀ a khə ni teeli shi.”

Matyo 26:56

À kee loʼ nə̀, ghəə ghən a shi ni luulə ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀.” Sey, ngəd tə wi tədzəm n tyi naŋa taʼa tsu wi.

Malakus 14:20

Yeso n beeli ndòw ghə nə̀, “A i loʼ wù umɔʼ n tow u ghaa ighəm n ghii ghə abəghə, wù tii dzəŋi tsùm nyiə tsu kəbaa nə kəkaŋ ghi mə ni zə̂.

Malakus 14:22

Nghee tə ghə zə̂ənə, Yeso n ney kɔʼ kəbaa, fuu tsu zɔŋŋə K-a-zə̀, bòʼ i tsu, fuu ndòw tə̀ ngəd tə wi tə dza nə̀, “Ney na, a wən loʼ wû wuŋ.”

Malakus 14:49

Mə â mgbaŋa dii zeeli aghəə ghi ghaa n ndaw Kəzə̀ i nii zə n Yerosalem, ghaa n way ni kwu mə. A kee loʼ nə̀ ghɔɔmə i Kəzə̀ i teeli khə ni bə doʼo isəŋə.

Lukas 22:22

Waa wù sɔŋtsuʼ î kpuunu tə̀ Zə̀ kə â dza zey. Ngoʼ i faalə i kee loʼ tə̀ wù wey tə təminə tsə̀m n tow kə wi.”

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 19:28

Ambə ghəə ghən tsəghə tsu, Yeso n khə nə̀ i n mayyə ghəə ghə adzəm. Ni luulə ghɔɔmə i Kəzə̀ zən tûm tə Kəzə̀ tə â tɔ̀ɔ naŋanə, tə n dza nə̀, “Fə̀ŋ ə mmuu zuʼlə mə.”

Kəfwaʼ 1:25

nə̀ tə ney bùʼ kə Judas ni fwaʼ tə a loʼ ngəd, n təŋkey Judas n ndow n luʼu key kə kpiinə tə wi.”

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.