Malakus 14:18 - Kaa n Kəzə̀ n fəghə mə

¹⁸ Nghee tə̀ ghə zə̂ənə, Yeso n dza tə̀ ghə nə̀, “N dza bə isəŋə tə̀ ghaa nə̀, wù ghaa umɔʼ î fìilə fuu mə, wù tii zəə fa ghi mə.”

Malakus 14:18 ပူးပေါင်းရင်းမြစ်များ

Matyo 26:21

Nghee tə̀ ghə zə̂ənə, Yeso n dza tə̀ ghə nə̀, “N kuum dza bə tə̀ ghaa nə̀ wù umɔʼ n fəŋŋə kə ghaa î fìillə fuu shiə mə.”

Matyo 5:18

N kuum dza bə tə̀ ghaa nə̀, bikighow nsə ghəlitsə kə i bə maynu, kasə nyaŋinyaŋi fə ighəə nkee luʼu fə loʼ fə n laŋ K-a-zə̀, î ndòw way luʼu kə nə̀ ghəə a tii ghə adzəm a kà ney bənə kə.

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:2

“I sey dii nə̀, abə ghaa fuunə wù laa n fə kə, kə̂ ghaa nə tɔŋɔnə ndɔŋ fə, tə̀ nghee ghə nəb ityim a ghəŋŋənə n ndaw tə udzəŋi tə ghə̂ a Təjuu nsə n faabə tə jìi. Ghə sey ghəŋŋə nə̀ ghə̂ ghə i kali tsuu ghə. N dza bə isəŋə tə̀ ghaa nə̀, ghə n sey keeli tən naamə kə ghə kə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Malakus 10:29

Yeso n beeli ndòw wi nə̀, “N kùm dza bə tə ghaa nə̀, wù loʼ way dzə tə̀ loʼ ni zəghə tsu ndaw wi, waazə a wi, bày wi, nay wi, waa a wi, nsə sûm u wi wə, bòʼ mə nsə tûm Kəzə̀ i dzuŋu zə,

Malakus 14:17

Ambə n nəŋə i fənə zə, Yeso n bə fu ghi ngəd tə wi tey ighəm n ghii tə təbəghə.

Malakus 14:19

Ghə n ngii mow, ghə n kaʼ ni bəb tə̀ wi fəmɔʼ fəmɔʼ nə̀, “N moʼo nə̀ à way mə.”

Malakus 14:25

N kùm dza bə tə̀ ghaa nə̀, Mə i kəm mə̂ koʼ way lə mən, ni ndòw kùm n tsuʼ fey mə î mə̂ənə lə n fəghə mə n Fɔɔ u Kəzə̀.”

Malakus 14:9

N kùm dza bə tə̀ ghaa nə̀, abə ghə î naʼlə kənə ghɔɔmə i Kəzə̀ zə n luʼu kə ghaa kə fa n mbi, ghə̂ ghə î zəŋŋə soʼonu ghəə zən weyzən wən ghəŋənə ni moʼlə tsuu wi.”

Malakus 3:28

N dza bə isəŋə tə̀ ghaa nə̀ Zə̀ kə i neyzəənu ghəə a bəbə ghən ghə̂ a ghəŋŋənə adzəm nsə ghəə a tsayyə ghən ghə ghɔɔmənə bòʼ wi.

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Malakus 8:12

Yeso n sɔm nay ndòw n fə̀ŋ ə wi dza tsu nə̀, “Ghə̂ a num tə tən ləghə nə̀ n dii bə ghə n tsəə nə̀ a loʼ kee? N kuum dza bə isəŋə tə̀ ghaa nə̀, mə i dii way tsəə i loʼ zə tə̀ ghaa.”

Malakus 9:1

Tə n ndòw n sə kə, dza tə̀ ghə nə̀, “N dza bə isəŋə tə̀ ghaa nə̀, ghə̂ a loʼ fa nə̀ ghə i kpu way nə̀ ghə ka koʼ fɔɔ u Kəzə̀ wə u bəghənə n daʼa kə.”

Malakus 9:41

N kùm dza bə tə̀ ghaa nə̀, wù wey tə fuu kənə ghaa n mmuu n məə mə n zəd i Klisto, î teeli keelinu naamə kə wi kə.”

Lukas 11:51

Ni ney nuu tsu n kaŋ tə Ebel bə kùm bə n kaŋ tə Zachariah wən ghaa â weynə n fə̀ŋ ə tsə zey ghə fəələnə maʼlə wə tii nsə n luʼu key kə zow tsəghəshinə luʼu tə tədzəm. N dza bə isəŋə tə̀ ghaa nə ghə̂ ghən n num tən i fəʼlənu bòʼ ghəə a tii ghə.

Lukas 22:21

A kee loʼ nə̀, wù wey tə təminə tsə̀m n tòw kuŋ loʼ fa ghi mə̀ nə kəbaŋŋə.

Lukas 4:24

Tə n kəm dza tsu tə̀ ghə nə̀, “Isəŋə kee loʼ nə, ghə bəghəm naŋŋə tsə way wù tûm Kəzə̀ n naʼ i wi.

Tùm i dzuŋu zə kuum Yeso Klisto tə Jɔn â tɔɔnə 1:51

Tə n kəm dza ndòw tə̀ wi nə̀, “N dza bə isəŋə tə̀ ghaa nə̀, ghaa i koʼo bikighow kə chi shi ndownə, tsətəndəghə tə Kəzə̀ tə i kɔʼɔ, tsuu n kow Waa Weynum.”

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 13:21

Ambə Yeso ghɔɔmə may tsu ghəə ghən, ghəə a tii ghə ngii fəmmə wi n fə̀ŋ, tə n daŋŋə dza shi bə n dzə̀ i taw zə nə̀, “N kùm, dza bə tə̀ ghaa nə̀, wù ghaa umɔʼ i fiilə fuu mə.”

Tùm i dzuŋu zə kuum Yeso Klisto tə Jɔn â tɔɔnə 13:22

Ngəd tə wi tə n laalə baalə iwû, ghə məʼlə wù wey Yeso dzanə.

Tùm i dzuŋu zə kuum Yeso Klisto tə Jɔn â tɔɔnə 13:38

Yeso n bəb tə̀ wi nə̀, “Wə dza bə nə̀ wə loʼnu ni kpu n tow kuŋ ə? N kùm dza bə tə wɔ nə̀, tə mwaʼ kə ni bəd tɔŋ, a i loʼ nə̀ wə n mə tuu maʼa tənəŋə tətəghə.”

Tùm i dzuŋu zə kuum Yeso Klisto tə Jɔn â tɔɔnə 21:18

N kùm dza bə tə wɔ nə̀, nghee wə â nam loʼ winətəghə, wə n dzəŋŋə tsə ndzə tə n nəŋə wɔ, ndow n luʼu tey wə ləghənə ni ndow, a kee loʼ kə nə̀ abə wə i dən tsu, u nə naalə shiə ndow ikpi, wù nuu nə dzəŋə fu tsu ndzə tə, tə boʼo kɔʼ wɔ, tə ney ndow wɔ n luʼu key wə mə buʼu ləghə way ni ndow.”

Tùm i dzuŋu zə kuum Yeso Klisto tə Jɔn â tɔɔnə 3:11

N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey.

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 5:19

Yeso n dza ndòw tə̀ ngəd tə Təjuu tey nə̀, “N kûm dza bə isəŋə tə̀ ghaa nə̀, Waa way dzə ni ghəŋə dzə ghə i loʼ zə n daʼa kə wi. Tə ghəŋŋə ndòw kə ghəə zey tə koʼ neynə n wɔ Bày. N təŋkey, ghəə zey Bày ghəŋŋənə, Waa bɔɔmə ghəŋŋə ndòw kə i ghi.

Tùm i dzuŋu zə kuum Yeso Klisto tə Jɔn â tɔɔnə 6:26

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀ ghaa mə kəŋə dzə way bòʼ faalə mey ghaa mə koʼnə mə n ghəŋənə, ghaa mə kəŋə bòʼ baa wey ghaa zə̂ kow tsunə.

Tùm i dzuŋu zə kuum Yeso Klisto tə Jɔn â tɔɔnə 6:32

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀, â way dzə Mushi tə â fuunə ghaa n baa kən kə nuu tsuu bənə idəŋ, â loʼ Bày wuŋ tə â fuunə ghaa n ndzəm ndzəm k-a-baa kən kə nuu tsuu bənə idəŋ.

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:70

Yeso n beeli ndow ghə nə̀, “À loʼ mə, mə â sày kɔʼnə tow ghaa wə ighəm n ghii wə ubəghə, a kee loʼ nə̀ wù umɔʼ loʼ n fəŋŋə kə ghaa nə̀ a loʼ avəətsəə.”