Malakus 13:23 - Kaa n Kəzə̀ n fəghə mə

²³ Tɔʼɔ ghə̂mə na! N təŋkey mə n dza zey ghəə ghey a nə shiənə tə̀ ghaa.”

Malakus 13:23 ပူးပေါင်းရင်းမြစ်များ

Matyo 24:25

Ghaa zow! Mə n ghəə ghən tə̀ ghaa dza naŋa tən nə̀ nəŋə i tii i ka kam kpii.

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Malakus 13:24

Yeso n ndow n sə kə dza tə̀ ghə nə̀, “Abə tsuʼu n ngoʼ mən mə i tsəghə tsunə, ‘Tsə̀ i nəmə nyi ndow, ndzɔŋ i way ni kəm bàŋ,

Malakus 13:33

Sey, təmi kɔʼ na nə ifuu nə igɔŋŋə, ghaa i ghə̂mə tənə, boʼnə ghaa khə way nəŋə zey ghəə ghən i neynə bənə kə.

Malakus 13:5

Yeso n dza tə̀ ghə nə̀, “Ghə̂mə na, i kə̂ ghaa nə laʼanə n baa wù loʼ.

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Tùm i dzuŋu zə kuum Yeso Klisto tə Jɔn â tɔɔnə 14:29

N sa dza naŋa zey bə ghəə ghən tə̀ ghaa nə̀ ghəə a tii a ka kam ney bənə kə, sey nə̀ abə ghə i bə shi kɔʼnə, ghaa i loʼ ni bəghəm fu n nəŋə i tii zə nə̀ mə â ndzəmə dza isəŋə.

2 Pita 3:17

Waazə ghuŋ a dzuŋu ghə nghee i nyɔʼ loʼ nə̀ ghaa n keeli zey ghəə ghən, ghaa ney kɔʼ ighə̂mə, sey nə̀ kə ghə̂ a bəbə ghey nə nəbənə ghaa n ghəə ghey ghə dzanə nə̀ a kpii way, a ghəŋŋənə nə̀ ghaa zəghə maʼa jìi Kəzə̀, ghaa nyəŋ laʼ.