Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Malakus 13:11 - Kaa n Kəzə̀ n fəghə mə

11 Abə ghə i kwu ney ndòwnə ghaa n ndaw tsə, kə̂ ghaa nə̂ fəmənə wû i ghaa zə n ghəə ghey ghaa i dzanə, boʼnə abə nəŋə i tii zə i kpiinə, Zay kə Zow kə i fuu bə ghaa n ghəə zey ghaa khənə ni dza.

အခန်းကိုကြည့်ပါ။ ကော်ပီ




Malakus 13:11
25 ပူးပေါင်းရင်းမြစ်များ  

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.


Ghə̂ ghə i fìi fuu waazə a ghə nə̀ ghə wey ghə, ghə bày a waa ghə i fìi fuu waa a ghə ghə̀. Waa ghə i kɔʼ təmi kɔʼ n tow u ghə bày, ghə fuu nuu ndòw ghə bày a ghə nə̀ ghə wey ghə.


Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.


Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.


Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə.


Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.


Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.


Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.


Ghə n dəm kii ni ghɔɔmə baalə ghi wi bòʼ tɔb wey Zay kə Zow kə â fuunə tə wi.


Ghə̂ ghey adzəm ghə a doʼnə n ndaw tsə, ghə n tɔʼ laalə ndow Sətifən, koʼ ndow tûm u sə u wi, wə n nyiələ tə̀ aloʼ tûm usə u tsəndəghə Kəzə̀.


Zay kə Zow kə n fəd nyi bə n kow Sətifən naʼ idzəm, tə n laalə kɔʼ ndow idəŋ. Ambə tə laalə kɔʼ ndownə idəŋ, tə n koʼ ndow ghaʼ i Kəzə̀ idəŋ nsə Yeso tə teynə fu n kpi u Kəzə̀ u təmmə wə.


Ghəə ghən ghey ghɔɔmə bənə tə̀ ghaa, ghey ghɔɔmə bə dzə way n tɔb u wù sɔŋtsuʼ, à fəd loʼ n tɔb wən Zay kə Zow kə fuunə tə̀ ghey. À loʼ Zay kə Zow kə, kə ghəŋŋənə nə̀ ghey i tiilə dza bə isəŋə zey i loʼnə bòʼ Kəzə̀ tə̀ ghə̂ ghey ghə khənə Zay kə Zow kə.


N tsuʼu n sə̂ i sə mə, Zə̀ kə â ka chi dii ghəə a tii ghə tə̀ ghə̂ ghə. Zə̀ kə chi dii bə ghəə a tii ghə nyisa n daʼa kə Zay kə Zow kə tə̀ tûm tə Kəzə̀ tə nsə ngəd tə Yeso tə zow tə.


Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.


Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ