Malakus 13:10 - Kaa n Kəzə̀ n fəghə mə

¹⁰ Tə mbi ni bə may, ghaa khə ni teeli dii tsu dzə ghɔɔmə i Kəzə̀ nə tənaʼa tədzəm.

Malakus 13:10 ပူးပေါင်းရင်းမြစ်များ

Matyo 12:41

N tsuʼ fey Zə̀ kə î saʼanə mbi tii, ghə̂ a naʼ i Ninive ghə i təmi tiilə bòʼ ghaa, n təŋkey, ghə mâ kwey nuu bə fə̀ŋ tə ghə tə n ghəə a bəbə ghə n nəŋə zey Jona â naʼlənə tûm Kəzə̀ tə̀ ghə. Sey, n fa dza bə tə̀ ghaa nə̀, wù loʼ loʼnu fa nya tə tsəghəshinə Jona.

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Roma 1:8

Ni zey tsu, n fuu kəzɔŋŋə tə Zə̀ kuŋ kə n bam i Yeso Klisto bòʼ ghaa adzəm, n təŋkey ghə kali ghaa mbi idzəm n ndzoʼo bəghəm i fə̀ŋ zey ghaa khənə.

Roma 10:18

N kee bəbə nə̀, à loʼ nə̀ ghə̂ ghə Izree ghə â ka zow tûm i dzuŋu zən ə? Ghə mâ tsəm zow n təŋkey i tɔ̀ɔ doʼo n màʼlə K-a-zə̀ nə̀, “Ghə mâ naʼa ngəə tsəghə bə tûm tii n mbi idzəm. Bat kə mbi kə loʼ kə way soʼo nə̀ ghə ka kam zow tûm i tii zə a fu.”

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.