Malakus 12:29 - Kaa n Kəzə̀ n fəghə mə

²⁹ Yeso n beeli ndow ghə nə̀, “Laŋ kə sə isə kə loʼ nə, ‘Ghaa zow a waa ghə Izree ghə! Yawe loʼ Zə̀ kə ghey, a may kə wi tə loʼnə Zə̀ kə.

Malakus 12:29 ပူးပေါင်းရင်းမြစ်များ

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Matyo 23:9

Kə̂ ghaa nə tɔŋŋənə wù loʼ fa n mbi nə̀ a loʼ, ‘Bày’, n təŋkey, ghaa khə kə bày umɔʼ tə loʼ idəŋ.

Lukas 10:27

Tə n beeli ndòw wi dza, “wə̀ khə ni ləghə Zə̀ kə, n fə̀ŋ zə idzəm, n zay kə kədzəm, n daʼa kə kədzəm, n moʼlə tə tədzəm, nsə nə wə̀ i ləghə waazùu tə̀ wə̀ ləghənə wû wə wə̀.”

Roma 3:30

Zə̀ kə loʼ kə kəmɔʼ, à loʼ wi tə ghəŋŋənə nə̀ ghə̂ ghən ghə loʼnə ghə̂ a Təjuu ghə, ghə doʼo tsətsəghə n sə kə wi n bam i bəghəm i fə̀ŋ zey ghə khənə n kow Yeso, ghəŋŋə soʼo nə̀ ghə̂ ghən ghə way ghə̂ a Təjuu a doʼo tsətsəghə n sə kə wi n bam i bəghəm i fə̀ŋ i mɔʼɔ zə.

1 Kɔrint 8:4

N ghəə a zəə ghə nfəzəə mən ghə fuunə tə̀ muʼu mə, saa ndzəm khənu nə̀ muʼu n khə way daʼa kə loʼ kə fa n mbi, saa a khə soʼonə nə̀ Zə̀ kə loʼ kə kəmɔʼ.

Galeshia 3:20

Wù təmə dzəŋi wə aghə̂ wə khə kə kəfwaʼ abə ghə̂ a loʼnə abəghə nə ghə bəghəm dzəŋi way. A kee loʼ nə̀ Zə̀ kə â loʼ n nəŋə wi n nəŋə zey tə â fuunə təb kə.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

Jems 2:19

À loʼnu ghə i dzuŋu zə nə̀ ghaa bəghəmnu nə̀ Zə̀ kə loʼ kə kəmɔʼ. Ghaa n ghəŋə dzɔb. Vəətsəə a bəghəm soʼonu nə̀ Zə̀ kə loʼ kə kəmɔʼ buʼu tsəŋə daŋŋə soʼo wi.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.