Malakus 12:17 - Kaa n Kəzə̀ n fəghə mə

¹⁷ Sey Yeso n dza tə̀ ghə nə̀, “Fuu na tə̀ Kaysa fə wey u loʼnə u wi wə, ghaa fuu ndòw tə̀ Zə̀ kə fə wey u loʼnə u wi wə.” Dzuu zə n ngii zum ghə n jìi zey tə a beelinə ghə tii.

Malakus 12:17 ပူးပေါင်းရင်းမြစ်များ

Matyo 22:21

Ghə n dza, “À loʼ tum usə u Siza nsə zəd i Siza zə.” Sey tə n dza ndòw tə̀ ghə nə̀, “Fuu ndòw na fə̂ key kə loʼnə kə Siza kə tə̀ Siza, ghaa fuu ndòw soʼo fə̂ key kə loʼnə K-a-zə̀ kə tə̀ Zə̀ kə.”

Matyo 22:22

Ambə ghə zow tsunə sey, dzuu zə n ngii zum ghə n jìi zey tə â beelinə ghə tii, ghə n zəghə tsu wi, nuu ndòw i ghə zə.

Matyo 22:33

Ambə Nɔɔ kə aghə̂ kə zow tsunə ghəə ghən, dzuu zə n zum ghə n jìi zey Yeso â diinə ghəə ghə tii.

Matyo 22:46

Wù umɔʼ ə ghə n tsəm way ni beeli kɔʼ wi. Ni zey tsu n nəŋə i tii zə, ndòw n sə kə, wù umɔʼ n ka kəm bəb kpiʼi wi n ghəə zə.

Matyo 8:10

Ambə Yeso zow tsunə ghəə ghən, dzuu zə n ngii zum wi, tə n dza ndòw tə̀ ghə̂ ghey ghə â bəghənə n baa wi nə̀, “N kùum dza bə isəŋə tə̀ ghaa nə̀, n ka kam koʼ koʼ tsə wù tə khənə ndzoʼo bəghəm i fə̀ŋ zən n naʼ zə Izree.

Malakus 12:16

Ghə n ney fu bə tə̀ wi. Tə n bəb tə̀ ghə nə̀, “À wən loʼ tûm usə̂ u ndee? À wən loʼ zəd i ndee?” Ghə n dza nə̀, “À loʼ tow kə Kaysa nsə zəd i wi zə.”

Malakus 12:30

Wə khə ni ləghə Yawe, tə loʼnə Zə̀ kə kə̀, n fə̀ŋ zə idzəm, zay kə kə̀ kədzəm, n moʼlə zə zə̀ idzəm, n daʼa kə kə̀ kədzəm.’

Lukas 20:25

Yeso n dza ndow tə ghə nə̀, “Abə i loʼ nə sey, fu na fə kə Kaysa kə tə Kaysa, ghaa fu fə K-a-zə̀ tə Zə̀ kə.”

Roma 12:1

Waazə ghə, bòʼ sî i kwɔɔlə zən Zə̀ kə khənə n kow saa, n buʼu bə kəwɔɔ tə ghaa nə̀, ghaa fuu may ndow wû i ghaa tə Zə̀ kə tə a loʼ maʼlə wən u loʼnə utaw. Ghaa khə ni fuu may ndow wû i ghaa tə a loʼ maʼlə wən u zownə, dzɔbə soʼo tə̀ Zə̀ kə. À wən ndzəm loʼ jii zən i kpiinə tə̀ ghaa ni ngɔɔmə wi tii.

Roma 13:7

Sey, tsə nuu ndow ghə̂ ghey wə khə ghə n ndaŋ kə, nə à loʼ kə màʼlə kə tsow kə, tsow nuu ndow, nə̀ à loʼ kəmàʼlə wə khə ni tsow n bikiwən kən wə ghəŋŋənə, wə n tsow nuu i ndow. Wə khə ni buʼu wɔɔ ghə, fuu ndow ingɔɔmə tə ghə̂ ghey ghə loʼnə tow wə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

1 Pita 2:17

Ghaa i fuu ngɔɔmə zə tə̀ ghə̂ ghə adzəm, ləghə tillə iwû n fəŋŋə kə ghə̂ ghən ghə bəghəmnə tə̀ Zə̀ kə, fuu ingɔɔmə tə̀ Zə̀ kə nsə tə də̀ŋ kə nii kə inaʼ.