Malakus 11:25 - Kaa n Kəzə̀ n fəghə mə

²⁵ Abə wə gɔŋŋənə, neyzəə ghə i bəbə zey wù loʼ ghəŋənə tə̀ wɔ, sey nə̀ Bày wə idəŋ i neyzəə soʼo ghəə ghə a bəbə ghə.”

Malakus 11:25 ပူးပေါင်းရင်းမြစ်များ

Matyo 5:23

Abə wə̀ kɔʼɔ ndòwnə ni kɔʼ fuu kənaamə n tsə zey ghə fəələnə maʼlə wə tii, wə̀ taa moʼlə tsunə fu nə̀ wə khə uchɔd ghi waazu,

Matyo 6:12

Neyzəə ghəə a ghey a bəbə ghə, Tə̀ ghey neyzəə soʼonə ghəə a bəbə ghey ghə̂ a loʼ a ghəŋənə tə̀ ghey.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Lukas 18:13

Wù kwɔɔ u kəmàʼlə wey, n fəd tey n ghab kə, buʼu tsəŋə daŋŋə ni laalə kɔʼ idəŋ nə tə n kwu keeli fə̀ŋ ə wi dza, ‘Zə̀ kə, kwɔɔlə sî zə n kow mə, n loʼ wù bəbə wə.’”

Lukas 6:37

Kə ghaa nə saʼabəəbənə ghə̂ ghə, n təŋkey Zə̀ kə i saʼa bəəbə soʼo ghaa. Kə ghaa nə tsəʼlənə saʼ n kow ghə̂ a loʼ ghə təŋkey Zə̀ kə i tsəʼlə saʼ soʼo n kow ghaa. Ghaa khə ni neyzəə ghəə a bəbə ghey ghə ghəŋənə tə ghaa, Zə̀ kə i neyzəə soʼo ghəə a ghaa a bəbə ghə.

Efesus 4:32

Ghaa fəd khə ni ghəŋŋə ndzuŋ n wû i ghaa, buulə ghəŋŋə aghəə, neyzəə tûmmə iwû, ighələ tə̀ Zə̀ kə neyzəənə bəb i ghaa zə n bam i Klisto.

Kolose 3:13

I kə ghaa nə kwɔɔ naŋŋənə ghəə a bəbə ghey ghə̂ a loʼ a ghəŋŋənə tə ghaa n fə̀ŋ. Ghaa khə ni neyzəə ghəə a bəbə ghey ghə̂ a ghəŋŋənə tə ghaa. Abə wù ghəŋənə ghaa n ghəə i bəbə zə, ghaa khə ni neyzəə wi ighələ tə Mûkəbii n ndzuŋ ə wi â neyzəənə bəb i ghaa zə.

Jems 2:13

N sey dza n təŋkey Zə̀ kə i kwɔɔlə way sii zə n kow wù wey tə saʼanə nə tə kwɔɔlə way sii zə. Isəŋə loʼ nə̀ sî i kwɔɔlə i Kəzə̀ i bə kəsə abə tə saʼanə.

Chi dii 11:4

Ghə təmi tiilə ghən abəghə loʼ kaʼ n olif mən nbəghə nsə nyiəllə u kədaa wən ubəghə u teynə n sə kə Mûkəbii wən tə khənə ghəlitsə kən.