Malakus 11:23 - Kaa n Kəzə̀ n fəghə mə

²³ N kùum dza bə isəŋə tə̀ ghaa nə̀, abə wù ghaa u loʼ u dza tsunə tə̀ kaʼ u wən nə̀, ‘Zəb kɔʼ wû wə wə̀, wə bwù ndòw n dzùu’, nə̀ tə səmə way, keeli tən tsu ibəghəm n fə̀ŋ ə wi, zə i teeli doʼo sey.

Malakus 11:23 ပူးပေါင်းရင်းမြစ်များ

Matyo 14:13

Ambə Yeso zow tsunə ghəə ghey a shinə tə̀ Jɔn wù fuu u mmuu n Kəzə̀ mə, Yeso n daŋŋə zəghə tsu fu nyi kɔʼ nə kəfə̀n, nuu ndòw n luʼu k-a-nyi, ni ndow doʼo fu tii n nəŋə wi. Ghə̂ ghə n nam keeli kənu luʼu key tə ndow ni ndow nyi doʼo tii. Sey, ghə n zəghə tsu inaʼ, dzûmə ndòw wi fu nə aghow.

Matyo 17:20

Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.”

Matyo 21:21

Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey.

Lukas 17:6

Tə n beeli ndòw ghə dza, “Abə ghaa khənə bəghəm i fə̀ŋ zə tə̀ a loʼ sə̂ ikuu, ghaa loʼ ni dza tə̀ kaʼ fə nîi fən nə̀, ‘zəbə nuu kɔʼ wû wə wə̀, wə̀ ndòw zəghə doʼo tsu n fəŋ ə dzùu’, fə i zow bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 14:13

Abə ghaa nɔɔ kənə kee kə n zəd zuŋ, mə i fuunu tə̀ ghaa, sey nə̀ Bày loʼ ni keeli nkɔʼlə bòʼ Waa.

Tùm i dzuŋu zə kuum Yeso Klisto tə Jɔn â tɔɔnə 15:7

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.