Malakus 11:14 - Kaa n Kəzə̀ n fəghə mə

¹⁴ Yeso n lɔʼ ndòw kaʼ fə tii fə dza nə̀, “Wə nə kəm mə̂ koʼ way tam kə tə̀ mbi nə bə may.” Ngəd tə wi tə n zow tsu ghəə ghey tə dzanə tə̀ kaʼ fə tii fə.

Malakus 11:14 ပူးပေါင်းရင်းမြစ်များ

Matyo 21:19

Tə n koʼ ndòw kaʼ fə Fig fə loʼ fə n səə jìi, tə n ndòw fu moʼlə kə nə̀ tə i keelinu tam u loʼ wə fu, ka koʼ kəfə. À n loʼ tən kə təfəbə. Sey, tə n dza ndòw tə̀ kaʼ fə tii fə nə̀, “Wə nə̂ kəm mə̂ koʼ tsə way tam wə tə̀ mbi nə bə may.” Kaʼ fə tii fə n daŋŋə zum i kɔʼ.

Matyo 21:33

Yeso n dza nə̀, “Zow na zəzəə fə fənkəfən fə loʼ fə, muu usum u loʼ wə â zəghə tsu sum u ndzoʼo lami tə loʼ tə ghə tɔŋŋə nə̀ à loʼ vayn, bay naŋa kɔʼ mbàa tii, bow naŋa kɔʼ kənyuʼ ni kammə lə mən n shiə bənə nə təlami fu tii. Tə n bəghə naŋa kɔʼ soʼo fəə fə loʼ fə n tow kə ndaw tə̀ ghə̂ a keyyə ghə. Sey, tə n tsòʼo naŋa ndòw sum u tii wə tə̀ ghə̂ ghə usum a loʼ ghə, bwey ndòw n naʼ i kətûm.

Matyo 21:44

[Wù wey tə bwunə n tay zən, tə nə sàalə tsu nə nsadla, abə tay i tii i kee bwu tsunə n kow wi, zə i njaʼlə tsu wi.]

Matyo 3:10

Fôw i loʼ tən n key ghə nkaʼ, abə kàʼ fə məə way tam u dzuŋu wə, ghə i fùŋ maʼa, ghə ney maʼa ndòw nə uvəllə.

Matyo 7:19

Abə kaʼ fə mə̂ə way tam u dzuŋu wə, ghə n fùŋ maʼa tsu, kpəghə ndòw nə uvəllə.

Malakus 11:13

Tə n koʼ ndòw kaʼ fə fik nə kədaa nə fəbə tə wi tə n dzəə, sey, tə n ndòw fu ni ndòw koʼ nə̀ tə nə kpaʼi keelinə tam u loʼ wə fu ni nəghə. Ambə tə ndòwnə fu, à n loʼ kə təfəbə, boʼnə â kam way dzə nəŋə zey kaʼ fə tii fə məənə.

Malakus 11:15

Ambə ghə n ndòw nyi ndòwnə n Yerosalem, Yeso n nyi ndòw n ndaw Kəzə̀ i nii zə, kaʼ ni dzùm shi ghə̂ ghey ghə â ghəŋŋənə bikiwən kə fu. Tə n fədlə maʼa kɔʼ baŋŋə kə ghə̂ ghey ghə a kweyyə fuunə khəə wə, nsə kuu u ghə̂ ghey ghə â fìilənə buŋu tə.

Tùm i dzuŋu zə kuum Yeso Klisto tə Jɔn â tɔɔnə 15:6

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

Chi dii 22:11

Wù wey tə ləghə ni ghəŋŋə ghəə a bəbə ghə, tə ndow kə n sə kə ni ghəŋŋə ghəə a bəbə ghə. Wù wey tə ləghə ni ghəŋŋə ləbi tə aghəə tə, tə ndow kə n sə kə ni ghəŋŋə ləbi tə aghəə tə. Wù wey tə ləghə ni ghəŋŋə ghəə a dzuŋu ghə, tə khə ni teeli ndow kə n sə kə ni ghəŋŋə ghəə a dzuŋu ghə. Wù wey tə ləghə soʼonə ni ghəŋŋə ghəə a zow ghə, tə khə ni teeli ndow kə n sə kə ni ghəŋŋə ghəə a zow ghə.”