Malakus 10:49 - Kaa n Kəzə̀ n fəghə mə

⁴⁹ Yeso n təmi tsu, dza nə̀, “Tɔŋɔ bə na wi fa.” Ghə n tɔŋɔ tsu wi dza tə̀ wi nə̀, “Kwu tsu fə̀ŋ, wə̀ təmi kɔʼ n fuu zə, tə tɔŋŋə wɔ.”

Malakus 10:49 ပူးပေါင်းရင်းမြစ်များ

Matyo 9:2

Ambə ghə bənə fu, ghə̂ a loʼ ghə n boʼo bə ghi wù loʼ, wû wi u kpuu doʼonə nə kəmbùŋ. Ambə Yeso kòʼ tsunə nə ghə̂ ghey ngii gaʼ fə̀ŋ n kow wi, tə̂ n dza tə̀ wù wey wû u wi wə â kpuu doʼonə nə̀, “Kuu tsu fə̀ŋ zə, n waa, mə n neyzəə ghəə ghə a bəbə ghə adzəm.”

Malakus 10:50

Tə n tsɔʼ maʼa ndòw maʼlə kə wi, taa nuu kɔʼ idəŋ, bə n səə Yeso.

Lukas 18:40

Ambə Yeso zow tsu nə̀, tə n təmmi tsu, dza nə̀ ghə ney bə wi n səə wi. Ambə tə bə nə̀, Yeso n bəb ndòw tə wi nə̀,

Tùm i dzuŋu zə kuum Yeso Klisto tə Jɔn â tɔɔnə 11:28

Ambə Mata ghɔɔmə may tsunə sey, tə n nuu dzəŋŋə i ndòw, ndòw koʼ tsu waazə ə wi, tɔŋŋə Maria, tsɔŋ dza tsu tə̀ wi nə̀, “Wù dii loʼ fa, tə ləghə ni koʼ wɔ.”

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.