Malakus 10:18 - Kaa n Kəzə̀ n fəghə mə

¹⁸ Yeso n beeli kɔʼ wi dza nə̀, “A loʼ kee wə̀ tɔŋɔnə mə nə̀ à loʼ wù dzuŋu ə? Wù dzuŋu u loʼ u way dzə, à may kə Kəzə̀.

Malakus 10:18 ပူးပေါင်းရင်းမြစ်များ

Matyo 19:17

Yeso n beeli ndòw wi nə̀, “À loʼ kee wə̀ bəbənə mə n ghəə zə bòʼ ghəə zey i dzɔbənə ə? À loʼ kə wù umɔʼ tə loʼnə wù dzuŋu. Abə wə̀ dza i keeli muu zə itsali, i naŋŋə ndòw laŋ u Kəzə̀ wə.”

Malakus 10:17

Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Malakus 10:19

Wə khənu ghəə ghey laŋ kə dzanə. Laŋ kə dza nə̀, ‘kə̂ wə̀ nə weynə wù, kə̂ wə nə nyəŋinə ghi wey wù, kə̂ wə nə tsɔŋɔnə, kə̂ wə nə təmi tiilənə n ghəə a badla ghə, kə̂ wə nə tsìinə wù, i ngɔɔmə bày wə ghi nay wə.’”

Lukas 18:19

Yeso n bəb ndòw tə wi nə̀, “A loʼ kee wə tɔŋɔnə mə nə a loʼ wù dzuŋu wə? A loʼ kə Kəzə̀, tə loʼ nə wù u dzuŋu wə, wù loʼ kəm way.”

Roma 3:12

Aghə̂ adzəm n tuu maʼa Zə̀ kə. Ghə adzəm n doʼo bə fə u kənunu n sə K-a-zə̀. Wù umɔʼ tsəm way n fəŋŋə kə ghə tə ghəŋŋənə ghə i dzuŋu zə, Umɔʼ ngəmsə way dzə.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 4:8

Wù wən tə khə way ləghə zə, khə soʼo way Zə̀ kə, n təŋkey, ləghə i nuu bə n wɔ Zə̀ kə.