Malakus 10:17 - Kaa n Kəzə̀ n fəghə mə

¹⁷ Nghee tə̀ Yeso nuu ndòwnə n bwey i wi zə, wù loʼ n nyəŋ bə təm bə tənguʼ n tənə wi, bəb tə̀ wi nə̀, “Wu dii u dzuŋu wə, n loʼ ni ji ngee ni keeli muu zə itsali ə?”

Malakus 10:17 ပူးပေါင်းရင်းမြစ်များ

Matyo 17:14

Ambə ghə bə kwɔɔlə dzəŋŋə bənə nɔɔ kə aghə̂ kə, wù loʼ n ndòw bə, təm bə tənguʼ n tənə Yeso dza,

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 28:8

Sey, gheyzən ghey n nuu tsu fu nə isày zey ndow ni nyəŋ n tsəŋ zə n fə̀ŋ, tsɔŋ khə soʼo iduʼlə n fə̀ŋ. Ghə n nyəŋə ndòw ni ndòw dza ghə i tii zə tə̀ ngəd tə Yeso tə.

Malakus 1:40

Wù ukə̀m u loʼ wə n ndòw bə, təm bə tənguʼ n tənnə Yeso, buʼ wi n wɔɔ kə nə̀ tə gaamə wi dza nə̀, “N khənu nə̀ abə wə ləghənə, wə loʼ ni ghəŋə mə nə n zow.”

Malakus 10:18

Yeso n beeli kɔʼ wi dza nə̀, “A loʼ kee wə̀ tɔŋɔnə mə nə̀ à loʼ wù dzuŋu ə? Wù dzuŋu u loʼ u way dzə, à may kə Kəzə̀.

Malakus 12:14

Ghə̂ a tii ghə n bə dza bə tə̀ wi nə̀, “Wù dii wə, a khənu nə wə dza kə isəŋə, wə̀ ghəŋŋə ghəə ghə nə wə laalə way wù nə asə̂. Wə dii ghɔɔmə i Kəzə̀ tsətsəghə tə̀ ghə̂ ghə. A ləghə ni keeli nə̀, laŋ kə diinu nə saa i tsow màʼlə kə tə̀ Kaysa mɔ kə dii way ə?”

Malakus 9:25

Yeso n daŋŋə koʼ nə̀ nɔɔ kə aghə̂ kə nya kuʼu bənu, sey, tə n tsəʼlə tsu kəlaŋ tə̀ zay kə bwu key nə̀, “Wɔ zay kən wə ghəŋŋənə nə̀ waa wən kuʼ doʼo, tə doʼo soʼo kəmùʼ, bə tsəghə shi n kow wi, wə̀ nuu tən.”

Lukas 10:25

N tsuʼ fə loʼ fə, wù dii u kəlaŋ u loʼ wə n bə ni bə mɔɔmə koʼ Yeso, tə n bəb ndòw tə̀ wi nə̀, “A wù dii wə, n khə ni ji ngee tə̀ mə ni keeli muu zə itsali?”

Tùm i dzuŋu zə kuum Yeso Klisto tə Jɔn â tɔɔnə 3:2

N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Kəfwaʼ 16:30

Tə n ney shi bə ghə dza tə̀ ghə nə̀, “Ghə mûkəbii ghuŋ ghə, n loʼ ni ji ngee ni keeli ibəghəshi ə?”

Kəfwaʼ 2:37

Ambə ghə zow tsunə ghəə ghən, ghəə a tii ghə n ngii mɔm ghə n fə̀ŋ, ghə n bəb tə Pita nsə ngəd tə loʼ tey nə̀, “Waazə ghə, ghey i nya jiə tsu ngee?”

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 9:6

“Nuu kɔʼ kənu, wə nyi ndow n fə̀ŋ inaʼ. Abə wə nyi ndownə fu, wù loʼ i dza bənu tə wɔ ghəə zey wə khə ni ghəŋŋə.”

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

Efesus 1:18

N gɔŋŋə soʼo nə̀ fə̀ŋ tə ghaa tə chi kɔʼ ni koʼ tsə ə Kəzə̀, sey nə̀, ghaa i loʼ ni tɔʼ zowkeeli ghəə ghey ghaa gaʼnə fə̀ŋ tii tə̀ a loʼ ghə̂ a Kəzə̀. N ləghə nə̀ ghaa zowkeeli tsu naamə kə nii key nsə buulə zey tə â təb naŋanə ni fu tə̀ ghə̂ a wi ghə.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

1 Pita 1:4

Tə n ghəŋə nə̀ saa i ləmmə tənə nə̀ saa i keelinu fə wey tə â bayyə naŋanə tə̀ ghə̂ a wi ghə. Tə bayyə naŋa fə u tii wə tə̀ ghaa idəŋ n luʼu key fə u tii u way ni fway, way ni bəb, way soʼo ni fəd koʼ.

1 Jɔn 2:25

Klisto a təb naŋa nə̀ fə kən tə i fuunə tə saa, loʼ muu itsali zə.