Lukas 22:32 - Kaa n Kəzə̀ n fəghə mə

³² “À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Lukas 22:32 ပူးပေါင်းရင်းမြစ်များ

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Matyo 26:75

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Malakus 14:72

Mwaʼ kə n daŋŋə tɔŋ kpiʼi i tsu ni ghəŋə ndow tənəŋə təbəghə, Pita n moʼlə tsu ghəə ghey Yeso â dzanə nə̀, “Tə mwaʼ kə ni tɔŋ tənəŋə təbəghə, a i loʼ nə̀ wə n mə tuu maʼa tənəŋə tətəghə.” Tə n zey ndòw ni dey.

Malakus 16:7

Ndòw dza ndòw na tə̀ ngəd tə wi tə, nsə Pita nə̀ tə n ndòw isə n naʼ i Galili. À loʼ fu ghaa i koʼonə wi, tə̀ tə â dzanə.”

Lukas 8:13

Tə tey tə â tsɔʼlənə n luʼu kə atay, à lòʼ ghə̂ ghey ghə zownə ghɔɔmə i Kəzə̀ zə, ney naŋa nə iduʼlə, zə n ka nyi təmi dzə n fə̀ŋ tə ghə, ghə bəghəm kɔʼɔ kə n tɔŋɔ fə inəŋə, ambə mɔɔmə koʼ i bənə, ghə n bwùlə doʼo i ndòw.

Tùm i dzuŋu zə kuum Yeso Klisto tə Jɔn â tɔɔnə 14:19

Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

2 Timoti 2:18

Ghə̂ ghən dii ghəə ghey a way isəŋə. Ghə dii nə̀ ghə̂ a mâ nə kpu, zhəm dzəŋŋə tsəghə nə ivə. Laʼlə kə ighɔɔmə kə ghə kə tii kə fwɔdlɔ maʼa ghə̂ a loʼ ghey ghə bəghəmnə tə Klisto.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.